Frjáls verslun - 01.07.2006, Blaðsíða 47

F R J Á L S V E R S L U N • 7 . T B L . 2 0 0 6 47
„Við þurfum að flytja inn mikið af okkar
vöru. Við fundum fljótt að það var vanda-
mál að treysta á innlendan markað þar sem
ekki var hægt að treysta vöruframboðinu
sem er þó vissulega alltaf að batna. Við
leggjum jafnframt metnað okkar í að bjóða
líka það sem aðrir eru að bjóða, þannig að
við erum með fjölbreytt vöruúrval.“
Hráefnið í eldhúsinu er lífrænt að
stórum hluta en Hjördís segir að það komi
alltaf að því að það þurfi að nota eitthvað
sem er ekki lífrænt. „Það er mjög erfitt að
standast þær kröfur að vera með allt líf-
rænt á vissum árstímum.“
Innfluttu, lífrænu vörurnar eru að
stærstum hluta frá Þýskalandi en jafnframt
frá Hollandi, Bretlandi, Frakklandi, Ítalíu,
Sviss og Danmörku. „Við leggjum mikla
áherslu á að vörunum fylgi stimpill sem
vottar að þær séu lífrænt ræktaðar því að
annars veit fólk ekki hvað það er í raun og
veru að láta ofan í sig.“
Ganga sífellt lengra
Margir fagmenn vinna hjá Manni lifandi.
Í þeim hópi eru matreiðslumenn sem að
sögn Hjördísar eru með mikla reynslu og
þekkingu. Boðið er upp á rétt dagsins, sem
er alltaf heitur, auk þess sem kaldir réttir
eru í boði. Fjölbreytnin er mikil.
„Við erum sífellt að reyna að gera betur
og efla starfsemina þannig að hún vaxi og
dafni. Þeir sem byrja á því að feta holl-
ustuleiðina snúa ekki við ef svo má að orði
komast. Það er mín reynsla. Ég sé það á
viðskiptavinum okkar að þeir ganga sífellt
lengra í hollustunni. Fólk finnur muninn.
Sumir borða hjá okkur á hverjum degi
og aðrir kaupa vörur hjá okkur og elda
heima hjá sér. Þeir eru margir sem segja
okkur frá breyttu lífi. Sumir þjást af alls
konar kvillum og veikindum eða kljást við
aukakílóin. Þetta fólk finnur fyrir breyttri
líðan þar sem það borðar ekki lengur mat
með aukaefnum, hvítum sykri og hvítu
hveiti. Við seljum ekkert með þeim efnum
í. Við reynum að passa þessa þætti og erum
ströng hvað við veljum. Oft erum við að
neita einhverju sem við vitum að myndi
seljast vel einfaldlega vegna þess að það
uppfyllir ekki kröfur okkar. Við leggjum
mikla áherslu á að vera trú okkar sannfær-
ingu. Við teljum að það skili sér þegar upp
er staðið.“
Eins og áður hefur komið fram er boðið
upp á ýmiss konar fyrirlestra og námskeið
hjá Manni lifandi. Á meðal fyrirlestra næstu
mánuðina má nefna fyrirlestur Helga Valdi-
marssonar prófessors um þarmaflóruna
og heilbrigði, Kolbrún Björnsdóttir, grasa-
læknir fjallar um fæðu og jurtir sem styrkja,
Benedikta Jónsdóttir heilsuráðgjafi fjallar
um heilbrigði og hamingju, dr. Sigmundur
Guðbjarnason fjallar um lífvirk náttúruefni
í grænmeti og öðrum heilsujurtum og Krist-
björg Kristmundsdóttir jógakennari fjallar
annars vegar um kundalini-hugleiðslu og
hins vegar um hvernig blómadropar og
jóga geta styrkt okkur. Haldinn verður fyr-
irlestur í nafni Jane Plant prófessors sem
komið hefur fram með kenningar um það
hvers vegna brjóstakrabbamein er algengt
á Vesturlöndum – en ekki í Asíu. Guðjón
Bergmann jógakennari heldur fyrirlestur
og Haraldur Magnússon osteopati fjallar
um sætuefnið aspartam. Síðast en ekki
síst verða reglulega haldin matreiðslunám-
skeið sem meistarakokkar hjá Manni lif-
andi sjá um.
„Ég hef mikinn áhuga á
heilsu og hollustu og trúi því
einlæglega að fólk geti sjálft
haft mikil áhrif á heilsufar sitt
með því m.a. að tileinka sér
hollt og gott mataræði og
borða bætiefni.“
Reksturinn skiptist
í þrjá þætti: Verslun
með lífrænar matvörur,
veitingastaði og ýmiss
konar námskeið og
fræðslu.
FV.07.06.indd 47 7.9.2006 12:54:22