Frjáls verslun - 01.07.2006, Blaðsíða 46

46 F R J Á L S V E R S L U N • 7 . T B L . 2 0 0 6
H
jördís er viðskiptafræðingur og
löggiltur endurskoðandi. Áður
en hún stofnaði fyrirtækið ásamt
fleirum vann hún meðal annars í
nokkur ár hjá KPMG og hjá Eimskip þar
sem hún var yfirmaður fjárreiðna, gæða-
mála, starfsmannastjóri og framkvæmda-
stjóri lífeyrissjóðs fyrirtækisins.
„Ég sagði upp árið 2002 og ákvað að
söðla um. Ég var í rauninni ekki viss um
hvað ég vildi gera í lífinu. Ég var búin að
ráða mig í endurskoðun hjá einu af þessum
stóru fyrirtækjum og ætlaði að gerast sér-
fræðingur í skattamálum. Eftir vandlega
umhugsun ákvað ég að hætta við það og
hefja þennan rekstur; ef ekki núna þá
aldrei. Ég hef mikinn áhuga á heilsu og
hollustu og trúi því einlæglega að fólk geti
sjálft haft mikil áhrif á heilsufar sitt með
því m.a. að tileinka sér hollt og gott mat-
aræði og borða bætiefni. Ég var sannfærð
um að það væri tækifæri á þessu sviði og
taldi þörf fyrir fyrirtæki sem byði upp á
heildstæða þjónustu á þessu sviði.“
Hjördís og Guðrún Margrét Hannesdóttir
stofnuðu fyrirtækið ásamt öflugum hópi
starfsmanna. Maður lifandi var opnaður
við Borgartún í september árið 2004. Í
október ári síðar var annar staður opnaður
við Hæðarsmára í Kópavogi.
Starfsmenn eru rúmlega 40.
Flytja sjálf inn vöruna
„Við hugsum reksturinn fyrst og fremst út
frá þremur grunnþáttum. Í fyrsta lagi er
um að ræða rekstur verslana með lífrænar
matvörur af fjölbreyttasta tagi. Í öðru lagi
er boðið upp á tilbúna rétti, heita og kalda,
sem fólk borðar á staðnum eða tekur með
sér. Í þriðja lagi rekum við öfluga fræðslu-
starfsemi og leggjum mikið upp úr því
að vera með mikinn fjölbreytileika á því
sviði svo sem fyrirlestra og matreiðslunám-
skeið.
Ég tel að við séum með ákveðna sér-
stöðu með því að blanda saman þessum
þremur meginstoðum í rekstrinum. Ég er
sannfærð um að þessi nálgun sé góð, að
hún eigi eftir að vaxa og dafna og gæti í
rauninni átt við mjög víða.“ Hér er Hjördís
að tala um útlönd. „Það hafa margir boðið
okkur þátttöku í slíku en við viljum stíga
varlega til jarðar og gera vel það sem við
erum að gera. Það er aðalatriðið. Þetta er
ungt fyrirtæki og þau eru mörg verkefnin
sem við höfum ekki náð að klára og sem
við viljum gera betur.“
Hjördís segir að tveir þriðju hlutar velt-
unnar séu í verslununum en einn þriðji
hluti í veitingarekstrinum.
Með hollustu og heilsuna í huga:
TEXTI: SVAVA JÓNSDÓTTIR
MYND: GEIR ÓLAFSSON
Rekstur fyrirtækisins Maður lifandi skiptist í þrjá þætti:
Verslanir með lífrænar matvörur, veitingastaði og ýmiss
konar námskeið og fræðslu. Hjördís Ásberg, einn eig-
endanna, segist sannfærð um að miklir vaxtamöguleikar
séu á þessu sviði.
TRÚ EIGIN
SANNFÆRINGU
H J Ö R D Í S Í M A Ð U R L I F A N D I
FV.07.06.indd 46 7.9.2006 12:54:17