Tímarit Máls og menningar - 01.12.1963, Page 44

TÍMARIT MÁLS OG MENNINGAR
Og borgin var grá og þung
eins og grjóturð: Þar sáust engar menjar
um mjúkan dans loganna
um limi hans og lungu
né hina logandi kvöl
Þar sáusl engar menjar
3.
Nýtt umhverfi
nýir sjóndeildarhringar
nýtt tákngildi reikulla mynda
Ekki lengur brotnar reglustikur
á hornhvössum burstum húsa
né skœrt brothljóð einfeldningslegra sólargeisla
á hörkulegum rúðum
né hið þráláta skordýrasuð
í skellinöðrum bifreiðum og gljáandi bjöllum
djúpt undir yfirborði vitundarinnar
í vef gatna og strœta
strengdum milli dagmála og nöturlegs kvölds
einhversstaðar
milli himins og heljar
en mjúklega svignandi greinar
sem rita hringa og teikn í staðfestulausan vindinn
en þyrst vötn sem drekka svala birtu morgunsins
eins og mjólk úr djúpum skálum kyrrðarinnar
áður en bráðlátir fuglarnir hefja sig til flugs
skella lungum í góm og syngja
hátt undir bláum hvelfingum
eins og skyttur í margslungnum vef vinda og sólargeisla
þöndum milli andrár og eilífðar
einhversstaðar
milli himins og jarðar
314