Tímarit Máls og menningar - 01.05.1985, Blaðsíða 15

Trönurnar fljúga
Dieter Roth: Bók 3 a, 1961.
hætti í bókum sínum. Eitt þekktasta verk hans, Mundunculum, sem kom út
árið 1967 er einfaldlega prentað. Myndirnar í því eru hinsvegar eins konar
híeróglýfur, gerðar með stimplum, en textinn settur upp á sjónrænan hátt.
Myndirnar verða stafróf og stafrófið myndir og eru í stöðugu samspili og
verkar hvert á annað. Eftir að offsetprentun fór fram hefur Dieter einkum
notað þá tækni við gerð bóka sinna, enda má nánast vinna hvað sem er með
þeirri prenttækni. Fyrsta verkið sem studdist við ljósmyndunartækni var
tilbrigði við Daily Mirror book og fólst í því að stækka hana upp í 25x25
cm. Við það öðluðust síðurnar nýtt gildi og bókin varð í senn ready-made
og sjálfstæður formheimur. Af öðrum bókum sem byggjast á ljósmyndunar-
tækni má nefna 246 little clouds frá 1968, en hún hefur að geyma teikningar
og texta sem skrifuð eru á bréfmiða sem síðan eru límdir á karton og ljós-
myndaðir þannig að allir skuggar, útlínur og áferð komi í ljós. Stöðu ljós-
kastarans var breytt smám saman í myndatökunni í samræmi við sólar-
ganginn þannig að skuggar „skýjanna“ færast til eftir því sem bókinni er
flett.
Auk þess sem hér hefur verið nefnt hefur Dieter Roth töluvert unnið með
aðrar heildir en röð blaðsíðna í bók: hann hefur tekið fyrir ritsöfn eða rit-
149