Morgunblaðið - 19.02.2015, Side 26

26 FRÉTTIRInnlent
MORGUNBLAÐIÐ FIMMTUDAGUR 19. FEBRÚAR 2015
Magnús Viðar Arnarsson, formað-
ur Björgunarsveitarinnar Súlna á
Akureyri, tók á dögunum við
330.000 króna styrk sem safnaðist á
nýliðnu ári með Súlu-dælulykli Atl-
antsolíu. Þeir sem eru með þannig
lykil láta tvær krónur af hverjum
keyptum eldsneytislítra renna til
björgunarsveitarinnar en þetta er í
fyrsta sinn sem styrkurinn er veitt-
ur.
Hugi Hreiðarsson, markaðsstjóri
Atlantsolíu, afhenti Magnúsi styrk-
inn sem sagði við þetta tækifæri að
veturinn hefði verið mjög annasam-
ur og upphæðin því sérlega kær-
komin.
Súlur fengu styrk
Styrkur afhentur Frá vinstri: Magnús
Viðar Arnarsson og Hugi Hreiðarsson.
Baldur Arnarson
baldura@mbl.is
Nokkrir aðilar hafa sýnt því áhuga
að hefja hótelrekstur í þremur sam-
byggðum húsum á Laugavegi 95-99.
Að sögn sýslumannsins í Reykja-
vík er félagið Rit og bækur ehf.
skráður eigandi fasteignanna.
Bjarni Þór Óskarsson, forsvars-
maður félagsins, segir nokkra aðila
hafa sýnt áhuga á að opna hótel í
þessum húsum, sem eru á horni
Laugavegar og Snorrabrautar.
Tilefnið er fyrirspurn Sigurvins
Bjarnasonar til skipulagsfulltrúans í
Reykjavík um leyfi til að innrétta
hótel í húsnæðinu. Hefur skipulags-
fulltrúi tekið jákvætt í fyrirspurnina
„að uppfylltum skilyrðum enda verði
sótt um byggingarleyfi“. Ekki tókst
að ná tali af Sigurvin.
Samkvæmt
fyrirtækjaskrá
Creditinfo er Sig-
urvin varamaður í
stjórn félagsins
AL1 ehf., sem er í
hugbúnaðargerð.
Bjarni Þór seg-
ir þessar fyrir-
spurnir með öllu
ótengdar félaginu
Rit og bækur.
„Þær hugmyndir sem komu á borð
borgarinnar eru ekki á okkar vegum.
Hins vegar hafa fjölmargir sýnt
áhuga á þessari fasteign, þar á meðal
aðilar sem hafa áhuga á einhvers
konar hótelrekstri hér á horni
Laugavegar og Snorrabrautar.
Menn hafa haft samband og fengið
að skoða húsnæðið en eignin er ekki í
sölumeðferð,“ segir Bjarni Þór.
Hjá skipulagsyfirvöldum í
Reykjavík fengust þær upplýsingar
að umrædd leyfisbeiðni Sigurvins
væri stutt og án framkvæmdalýsing-
ar. Húsin númer 95 og 97 eru lág-
reistari en hornhúsið númer 99. Þá
fékkst upplýst að flatarmál húsanna
er um 3.500 fermetrar en kvaðir eru
um notkun á jarðhæð húsa í götunni.
Fasteignasalar falbjóða eignir
Snorri Sigurðarson, eigandi Rey
apartments í Reykjavík, segir fast-
eignasala og aðra aðila reglulega
hafa samband og spyrja hvort félag-
ið hafi áhuga á tilteknum fasteignum
undir hótelrekstur.
Spurður hvort margir í þessum
geira telji að auka þurfi framboð á
gistirými vegna eftirspurnar segist
Snorri telja að sá áhugi styðjist ekki
við ítarlegar greiningar.
„Ég held að það liggi engin grein-
ing að baki hjá þessum aðilum um-
fram þær sem komið hafa frá bönk-
unum um að það sé þörf á auknu
gistirými. Málið er frekar að nú er
hálfgert gullgrafaraæði í þessari
grein. Það gengur ágætlega í henni í
dag og þá hugsa margir hvort tæki-
færi sé til að breyta öllu húsnæði
sem losnar í hótel eða gistiheimili.“
Jón Guðmundsson, löggiltur fast-
eignasali hjá Fasteignamarkaðinum
á Óðinsgötu, merkir mikinn áhuga.
„Við verðum varir við það í hvert
sinn sem við auglýsum eignir hér
miðsvæðis að margir hafa áhuga á
útleigu vegna gistiþjónustu. Þetta er
orðið í öðru hverju húsi hér í mið-
bænum. Íbúi við Grettisgötu sem ég
hitti á förnum vegi sagði mér að það
væri ekki svefnfriður fyrir rúllandi
ferðatöskum í götunni,“ segir Jón.
Margir vilja í hótelgeirann
 Áhugi á að breyta Laugavegi 95-99 í hótel  Margir bjóða húsnæði undir hótel
Morgunblaðið/Júlíus
Hornhús Hús sem tilheyra Laugavegi 95, 97 og 99 eru á einni lóð. Húsið á horninu, númer 99, hefur verið gert upp. Þetta horn er áberandi í miðborginni.
Bjarni Þór
Óskarsson
Framtíðin er nýr námslánasjóður
sem hóf göngu sína í gær og veitir
háskólanemum bæði framfærslu- og
skólagjaldalán. Allir námsmenn sem
ætla í háskólanám á Íslandi eða er-
lendis geta sótt
um námslán hjá
Framtíðinni en
starfsnám, end-
urmenntun og
nám með vinnu er
einnig lánshæft.
„Eftir samræður
við námsmenn og
nánari greiningu
á markaðnum
töldum við að það
væri pláss á markaðnum fyrir ann-
ars konar námslánasjóð en LÍN.
Sjóður getur verið góð leið til fjár-
mögnunar fyrir fólk sem á annars í
erfiðleikum með að komast í nám, til
dæmis þegar tekjuviðmið LÍN eða
hámörk á skólagjaldalánum skerða
möguleika þeirra,“ segir Hlíf Sturlu-
dóttir, stjórnarformaður Framtíð-
arinnar, um það hvernig hugmyndin
kviknaði að nýjum lánasjóði. Varð-
andi samanburð lána Framtíð-
arinnar við lán frá Lánasjóði ís-
lenskra námsmanna (LÍN) segir
hún að til dæmis sé útgreiðslum
háttað öðruvísi, en Framtíðin greiðir
framfærslulán ekki eftir á né tengir
þau beint við fjölda lokinna eininga.
„Vextir á okkar lánum eru hærri en
hjá LÍN enda eru þeir niðurgreiddir
af ríkinu, en ef litið er til annars kon-
ar lánsviðskipta þar sem vextir ráð-
ast á markaði finnst mér þeir vera
mjög sanngjarnir, sérstaklega í ljósi
þess að ekki er krafist ábyrgðar-
manna né veða,“ segir Hlíf. Fram-
tíðin býður upp á verðtryggt lán með
föstum vöxtum og óverðtyggt lán
með breytilegum vöxtum. Endur-
greiðslur lána til Framtíðarinnar
eru ekki tekjutengdar heldur eru
hefðbundnar mánaðarlegar afborg-
anir með jöfnum greiðslum (annui-
tet) til 12 ára. Lægsta upphæð sem
námsmaður getur sótt um að láni er
500 þúsund krónur og sú hæsta 13
milljónir króna. Segir Hlíf að þak sé
sett á mánaðarlega framfærslu
námsmanns sem unnt sé að sækja
um en annars sé það nokkuð sveigj-
anlegt.
„Við lítum til aðstæðna sérhvers
námsmanns með tilliti til mögu-
legrar lánsupphæðar,“ bætir hún
við. Framtíðin er fjármögnuð í gegn-
um skuldabréfasjóði sem eru í stýr-
ingu hjá fjármálafyrirtækinu
GAMMA. Síðar er stefnt að fjár-
mögnun með útgáfu skuldabréfa
sem skráð verða í kauphöll. „Við vit-
um að fjárfesting í menntun er til
hagsbóta fyrir samfélagið allt,“ segir
Hlíf að lokum. laufey@mbl.is
Nýr námslánasjóður
fyrir alla námsmenn
Hlíf Sturludóttir
Hæstiréttur hef-
ur staðfest far-
bann yfir karl-
manni sem var í
Héraðsdómi
Reykjavíkur
dæmdur í níu
mánaða fangelsi,
þar af sex mán-
uði skilorðs-
bundið, fyrir
kynferðisbrot.
Manninum er gefið að sök að hafa
sært blygðunarsemi konu og áreitt
hana kynferðislega með því að fróa
sér yfir andlit hennar. Maðurinn
áfrýjaði dómi héraðsdóms og hefur
ekki hafið afplánun. Hann skal hins
vegar sæta farbanni til 10. apríl.
Hann hefur sætt farbanni í um 10
mánuði, eða frá 30. apríl 2014.
Brotin voru framin í apríl og
ákærði ríkissaksóknari manninn í
ágúst. Hann var svo sakfelldur í
héraðsdómi í desember.
Maðurinn hefur einungis búið
hér í tæpt ár og er það mat ríkis-
saksóknara að hann muni reyna að
komast úr landi.
Hæstiréttur
staðfesti farbann
Farbann Maðurinn
skal vera kyrr.