Morgunblaðið - 19.02.2015, Side 42

Innlent
MORGUNBLAÐIÐ FIMMTUDAGUR 19. FEBRÚAR 2015
Sigurður Bogi Sævarsson
sbs@mbl.is
Viðgerðir á gamla bænum í Múla-
koti í Fljótshlíð eru komnar á góð-
an rekspöl. Þegar er búið að end-
urnýja timbur í austurgafli og
suðurhlið og
næsta stóra
verkefni er lag-
færing á grjót-
hleðslum í kjall-
ara elsta hluta
hússins, sem
byggt var á ár-
unum 1898 til
1946. Þjóðhagar
í héraði vinna að
þessum endur-
bótum undir for-
ystu Hjálmars Ólafssonar, húsa-
smiðs á Hvolsvelli.
Stofnfundur Vinafélags gamla
bæjarins í Múlakoti verður hald-
inn í félagsheimilinu Goðalandi í
Fljótshlíð næstkomandi laugardag
kl. 14. Tilgangur félagsins er að
styðja við endurgerð gamla bæjar-
ins á vegum sjálfseignarstofnunar
sem stofnuð var síðasta haust.
Varðveita menningarlandslag
„Hlutverkið er að tryggja eftir
mætti varðveislu menningar og
minjalandslags hér á bæ,“ segir
Sigríður Hjartar í Múlakoti. Þau
Sigríður og Stefán Guðbergsson,
eiginmaður hennar, eiga aðild að
sjálfseignarstofnunni svo og Rang-
árþing eystra og Byggðasafnið í
Skógum undir Eyjafjöllum.
Múlakotsbærinn var stórhýsi á
mælikvarða síns tíma og er raunar
enn. Húsið stendur á rústum torf-
bæjar fyrri alda og í því eru alls
27 herbergi. Þarna var rekið eitt
fyrsta sveitahótelið á Íslandi og
margt minnir enn á þá velmektar-
tíma. Innandyra er margt eins og
var fyrr á tíð meðal annars á þeim
tíma þegar leið ferðamanna lá svo
oft í Múlakot.
Búið var í gamla húsinu fram til
ársins 1997 og stundaður búskap-
ur, en á staðnum eru heillegar
rústir ýmissa útihúsa. Þau stendur
til að endurgera. Einnig bæta
gamla skrúðgarðinn, sem Guð-
björg Þorleifsdóttir sáði til árið
1897 og varð þannig frumkvöðull í
íslenskri garðrækt.
Vekur athygli víða
Á síðastliðnu ári fékkst 10 millj-
óna króna styrkur frá forsætis-
ráðuneytinu til endurbyggingar í
Múlakoti. Þeir fjármunir eru nú
því sem næst uppurnir og verður
því leitað víðar svo framkvæmdir
stöðvist ekki.
„Það sem við erum að gera hér í
Múlakoti hefur vakið athygli víða.
Vinafélagið sem nú stendur til að
stofna verður mikilvægt bakland
sjálfseignarstofnunarinnar, sem
sjá mun um rekstur gamla bæjar-
ins sem við sjáum fyrir okkur
verða menningarsetur, byggt á
langri sögu og merkum minjum,“
segir Sigríður Hjartar og bætir
við að nú þegar hafi um 60
manns skráð sig til leiks
sem vinir og bakhjarlar
Múlakotsbæjarins og
miðað við þann áhuga
sem málinu sé sýndur
megi tvímælalaust
ætla að þeim fjölgi
nokkuð enn á
næstu vikum og
mánuðum.
Smíði Búið er að endursmíða austur- og suðurhlið gamla hússins og meðan
á því stóð var plastskýli reist yfir verkstaðinn til þæginda í vetrarveðrum.
 Félag stofnað um endurreisn í Fljótshlíð  Endurbætur á
aldargömlu húsi halda áfram  Menning og minjalandslag
Undirstaða Nú er verið að lagfæra hleðslur í kjallara elsta hluta hússins í Múlakoti, sem byggt var 1898 til 1946.
Sigríður
Hjartar
Hollvinirnir verði
baklandið í Múlakoti
„Það er mikil vinna framundan
og viði Múlakotsbæjarins þarf
að stórum hluta að endurnýja.
Margt af þessu er farið að láta á
sjá verulega,“ segir Hjálmar
Ólafsson smiður sem hefur ver-
ið að störfum í Múlakoti síðustu
mánuði. Hjálmar býr á Hvols-
velli, en hefur í tímans rás mikið
verið í smíðavinnu, til dæmis í
sveitunum fyrir bændur í Rang-
árvallasýslu.
Vinnan við endurbætur í
Múlakoti hófst á haustmán-
uðum í fyrra. Byrjað var í
austurenda bæjarsins, það er
elsta hlutanum sem reistur var
í kringum aldamótin 1900.
Þar eru í veggjum þykkir
viðir í stærðunum 4
x 4 og 5 x 5, að
sögn Hjálmars.
Þykkir viðir
í veggjunum
MIKIL VINNA Í GÖMLUM BÆ
Hjálmar Ólafsson
ÓMÓTSTÆÐILEGAR
PERLUR
UPPFULLAR AF TÖFRUM Q10.
KRAFTMESTA BLANDAN
AF Q10 GEGN ÓTÍMABÆRRI
ÖLDRUN HÚÐARINNAR