Dagblaðið Vísir - DV - 09.03.2012, Síða 70

Enginn vildi andlitið
n Siggi Hlö mætti með afmælisköku í vinnuna
É
g held að þetta sé prent­
villa. Ég trúi þessu varla
enda er alltaf sagt við
mig heima að ég láti eins
og krakki,“ segir útvarpsmað­
urinn og hönnunarstjórinn
Sigurður Hlöðversson, bet­
ur þekktur sem Siggi Hlö, en
Siggi fagnaði 44 ára afmæli
sínu á fimmtudaginn.
Siggi er eigandi og starfs­
maður auglýsingastofunnar
Pipars og kom að sjálfsögðu
með afmælisköku í vinnuna
í tilefni dagsins. Kakan var
stór og skartaði stærðarinn­
ar mynd af afmælisbarninu
sjálfu. „Þetta er bara ég í
hnotskurn,“ segir Siggi hlæj­
andi og bætir við að hann
hafi sjálfur keypt kökuna.
„Vinnufélagar mínir borð­
uðu alla kökuna nema and­
litið. Ég hafði lofað þeim sem
borðaði það kossi en andlitið
var það eina sem varð eftir.
Ég veit ekki alveg hvernig ég
á að taka því,“ segir Siggi.
Eins og alþjóð veit
stjórnar Siggi þættinum
Manstu hver ég var sem er á
dagskrá á Bylgjunni á laugar­
dögum. Sjálfur segist hann
ekki nærri því kominn með
leið á þættinum. „Gleðin vex
nú frekar en hitt,“ segir hann
og bætir við að samkvæmt
nýjustu könnun sé hann
ennþá með rosahlustun.
„Könnun í janúar sýndi að
ég er með meiri hlustun en
fréttir í hópnum tólf til 80
ára. Þetta er vinsælasti þátt­
urinn á Íslandi. Ég kvarta
ekki,“ segir hann en bætir að­
spurður við að það sé engin
hætta á að velgengnin stígi
honum til höfuðs. „Ég tek
mig ekki það alvarlega. Líf­
ið er svo skemmtilegt. Það
verður sko ekki ritað á minn
legstein; Dó úr leiðindum.“
Aðspurður segist hann
ánægður með að nálgast
fimmtugt. „Það er bara æðis­
legt. Ég hef sjaldan haft jafn
gaman af lífinu,“ segir Siggi
Hlö sem myndi aðspurð­
ur velja lagið Angels með
Robbie Williams sem sitt af­
mælisóskalag. „Mér finnst
þetta gott lag. Robbie er töff­
ari.“ indiana@dv.is
70 Fólk 9.–11. mars 2012 Helgarblað
Illugi eyðilagði
Facebook
Sjálfstæðismaðurinn Illugi Gunn­
arsson er nú kominn í þann stóra
hóp sem heldur úti síðu á sam­
skiptavefnum Facebook. Þing­
maðurinn hafði ekki notað vefinn
lengi þegar kerfið hrundi, líkt og
við heyrðum í fréttum í vikunni.
Illugi skrifar um þessa reynslu
sína á vegg sinn. „Ég er rétt ný­
byrjaður að nota þetta Facebook
system og þá hrynur þetta út um
allan heim. Ég vona að ég hafi ekki
ýtt á einhvern vitlausan takka, það
væri nú eftir öllu – stjórnmála­
maður á Íslandi eyðilagði Face­
book, Mark Zuckerberg brjálaður.“
Söfnun gengur vel
Vel gengur hjá fótboltaliðinu FC
Ógn að safna fyrir hina krabba­
meinsveiku Rakel S. Magnús­
dóttur. FC Ógn er aðeins skipað
konum og spilar það góðgerðaleik
gegn stjörnuliði annarra kvenna
10. mars næstkomandi. Þar verður
Tobba Marinós meðal annars að
sprikla í fótbolta. Það er fram­
kvæmdastjóri Vesturports, Rakel
Garðarsdóttir, sem stendur fyrir
liðinu FC Ógn. Mörg fyrirtæki hafa
lagt söfnuninni lið en viljir þú að­
stoða er bent á Facebook­síðuna
FC Ógn.
Afmælisbarn Siggi Hlö er 44 ára og hefur aldrei haft jafn gaman af
lífinu.
Vinsæll Siggi Hlö segist stjórna

vinsælasta útvarpsþætti lan
dsins.
É
g er mikill ævintýra­
maður og þetta er eitt
af ævintýrunum. Mað­
ur er alltaf að prófa
eitthvað nýtt,“ segir út­
varps­ og tónlistarmaðurinn
Brynjar Már Valdimarsson
sem er að læra köfun ásamt
þeim Erlu Dís og Þórhalli
Þórhallssyni, félögum sínum
úr morgunþættinum Magas­
íni sem er á dagskrá á FM957.
Brynjar Már segir að sig
hafi lengi langað til að læra
köfun. „Þetta er samt eitt
af því sem ég myndi aldrei
framkvæma nema í einhverju
svona flippi. Ég er samt viss
um að þetta er klárlega eitt­
hvað sem maður á ekki eftir
að sjá eftir að hafa lært,“ seg­
ir hann og bætir við að það
sé afar furðuleg tilfinning að
kafa. „Þetta er ekki beint erfitt
en mjög skrítið. Maður er að
svindla á náttúrunni með því
að anda í kafi.“
Brynjar og félagar úr
morgunþættinum buðu hópi
fólks með sér á köfunarnám­
skeiðið og munu taka annan
hóp með sér seinna í mán­
uðinum. Aðspurður segist
hann auðvitað bestur af þátt­
arstjórnendunum. „Klárlega
er ég fljótastur að ná þessu,“
segir hann í gríni en bætir svo
við að þau séu öll jafn miklir
nýgræðingar í þessu.
Eftir næsta skipti mun
Brynjar þreyta bóklegt próf
í köfun áður en hann heldur
áfram að læra. „Ég vona að
það verði ekki jafn erfitt og
mótorhjólaprófið. Þá féll ég
í fyrsta skiptið,“ viðurkenn­
ir hann en bætir svo við að
hann stefni að því að bjóða
hópi fólks til að taka mótor­
hjólapróf saman í tengslum
við morgunþáttinn í sumar.
„Það er bara svo gaman að
hjálpa fólki að komast inn
í hópa og stuðla að því að
krakkar prófi eitthvað nýtt.
Þarna eru komnir litlir hópar
af nýjum félögum sem deila
áhugamálum. Það þarf nefni­
lega ekki alltaf að detta í það
til að hafa gaman. Ef einhvern
tímann, þá á maður að nota
tímann á meðan maður er
ungur til að lifa lífinu og prófa
nýja hluti,“ segir Brynjar Már
að lokum. indiana@dv.is
Svindlar á
náttúrunni
n Útvarpsmaðurinn Brynjar Már hvetur ungt fólk til að lifa lífinu lifandi
Flottur Brynjar Már gerir sig tilbúinn til að læra réttu tökin. Gaman Brynjar og félagar í útvarpsþættinum buðu hópi fólks með sér á
köfunarnámskeið.
Brynjar Már Brynjar vonast til
að bóklega prófið í köfun verði ekki
jafn þungt og mótorhjólaprófið.
Komin á fast
Þokkagyðjan Bryndís Gyða
Michelsen er komin með nýjan
kærasta en þau kynntust í gegnum
sameiginlega vini. Sagt var frá
þessu í nýjasta tölublaði Séð og
heyrt. Sá heppni heitir Gísli
Kristjánsson og er rekstrarstjóri
sprotafyrirtækisins Greenqloud en
hann hefur líka mikinn áhuga á
stjórnmálum og bauð sig meðal
annars fram til stjórnlagaþings
árið 2010.