Tímarit um menntarannsóknir - 01.01.2005, Page 82
82 Um höfunda
Ásta Bjarnadóttir er lektor og forstöðumaður B.Sc.-náms í viðskiptafræði við Háskólann í
Reykjavík. Hún lauk B.A.-prófi í sálfræði frá Háskóla Íslands og M.A.- og Ph.d.-prófi í vinnu-
og skipulagssálfræði frá Háskólanum í Minnesota. Áður en hún gekk til liðs við HR starfaði
hún sem starfsmannastjóri hjá Baugi og Íslenskri erfðagreiningu. Rannsóknasvið hennar eru
mannauðsstjórnun og vinnusálfræði. Netfang: asta@ru.is
Börkur Hansen er prófessor við Kennaraháskóla Íslands. Hann er doktor í stjórnsýslufræðum
frá Albertaháskóla í Kanada. Rannsóknir hans eru einkum á sviði stjórnunar skóla. Þar má nefna
störf skólastjórnenda, valddreifingu í skólum, viðhorf kennara til starfa sinna og starfsumhverfis,
skólaþróun og skólasögu. Netfang: borkur@khi.is
Jóhanna Einarsdóttir er dósent við Kennaraháskóla Íslands. Hún lauk doktorsprófi frá University
of Illinois árið 2000. Áhuga- og fræðasvið hennar er menntunarfræði yngri barna og hefur hún gert
rannsóknir á sviði leikskólans og í yngri bekkjum grunnskóla. Nú vinnur hún að rannsóknum þar
sem sjónum er beint að sýn barna á umhverfi sitt. Netfang: joein@khi.is
Kristín Karlsdóttir er lektor við Kennaraháskóla Íslands. Hún lauk M.Ed.–gráðu í uppeldis- og
kennslufræði frá KHÍ árið 2001. Áhuga- og fræðasvið hennar tengjast aðferðum við að hvetja
kennaranema til að ígrunda og tengja fræði og starf á vettvangi. Einnig tengjast þau mismunandi
hugmyndum um nám leikskólabarna og þátt leikskólakennara í því. Nú vinnur hún að rannsóknum
á áhrifum hugmynda Reggio Emilia á íslenskt leikskólastarf. Netfang: krika@khi.is
Kristjana Stella Blöndal er aðstoðarforstöðumaður Félagsvísindastofnunar Háskóla Íslands. Hún
lauk M.A.-próf í uppeldis- og menntunarfræði frá Félagsvísindadeild HÍ. Rannsóknir hennar á
sviði menntamála hafa einkum beinst að námsferli og brotthvarfi ungmenna á framhaldsskólastigi.
Netfang: kb@hi.is
Ólafur H. Jóhannsson er lektor við Kennaraháskóla Íslands. Hann hefur meistarapróf í
stjórnsýslufræðum frá Bristolháskóla í Englandi. Rannsóknir hans eru einkum á sviði stjórnunar
skóla. Þar má nefna störf skólastjórnenda, valddreifingu í skólum, viðhorf kennara til starfa sinna
og starfsumhverfis, grunnskóla í ólíkum byggðarlögum, skólaþróun, áhrif endurmenntunar og
skólasögu. Netfang: ohj@khi.is
Sigrún Aðalbjarnardóttir er prófessor í uppeldis- og menntunarfræði við Félagsvísindadeild
Háskóla Íslands. Hún er með doktorspróf frá Harvardháskóla í Bandaríkjunum. Helstu rann-
sóknasvið hennar eru: Áhættuhegðun (vímuefnaneysla, námsgengi) og seigla ungs fólks í ljósi
ýmissa uppeldislegra, sálrænna, félagslegra og menningarlegra þátta; samskiptahæfni og félags-
og siðferðisþroski barna og unglinga; menntun á sviði borgaravitundar; uppeldissýn kennara og
lífssögur; skólaþróun.v Netfang: sa@hi.is
Sigurgrímur Skúlason er sviðsstjóri hjá Námsmatsstofnun. Hann starfar við prófagerð, úrvinnslu
prófniðurstaðna og þróun prófanna. Hann lauk meistaraprófi í próffræði og tölfræði frá Háskólanum
í Iowa og doktorsprófi í próffræði og matsfræðum frá sama skóla. Auk starfa sem tengjast
samræmdum prófum hefur Sigurgrímur átt hlut að fjölbreytilegum rannsóknarverkefnum innan
skólakerfisins, þ.á m. um kynjamun í námsárangri og áhrif verkfalls á nemendur. Rannsóknir
tengdar prófagerð lúta meðal annars að réttmæti prófa og að þýðingu og staðfærslu prófa. Netfang:
sigsk@namsmat.is
Steinunn Helga Lárusdóttir er lektor við Kennaraháskóla Íslands. Hún hefur stundað doktorsnám
í stjórnsýslufræðum við Kennaramenntunarstofnun Lundúnaháskóla frá 2004. Hún lauk Diplóma
(ársnám) í mati á skólastarfi frá sama skóla árið 1998. Steinunn tók meistarapróf í stjórnsýslufræðum
frá Illinoisháskóla í Urbana-Champaign í Bandaríkjunum árið 1982. Rannsóknir hennar eru einkum
á sviði stjórnunar skóla. Þar má nefna störf skólastjórnenda, valddreifingu í skólum, viðhorf
kennara til starfa sinna og lífgildi leiðtoga. Netfang:shl@khi.is
Tímarit um menntarannsóknir, 2. árgangur 2005