Glóðafeykir - 01.04.1989, Page 8

6
GLÓÐAFEYKIR
Kveðja til félagsmanna og starfsfólks
Olafur Friðriksson
Sex ár er ekki langur tími, einkum þegar horft er til baka. Engu að
síður var margt sem bar til tíðinda á þeim árum, sem ég var
kaupfélagsstjóri Kaupfélags Skagfirðinga. Mikil uppbyggingfórfram
hjá félaginu og raunar í héraðinu öllu, þó vissulega væri við erfiðleika
að fást, m.a. í landbúnaðinum. Nú á tímum eru þjóðfélagsbreytingar
örar. Það sem þykir sjálfsagt í dager orðið úrelt á morgun. Það, að vera
fljótur að aðlaga sig breyttum aðstæðum, skilur oft á milli. Að þessu
leyti hefur vel tekist til hjá K.S.
Einn helsti auður hvers félags eða fyrirtækja er að eiga traust og
vakandi starfsfólk, starfsfólk sem er tilbúið að takast á við þau
verkefni sem að höndum ber og leysa þau farsællega. Þetta er og hefur
verið styrkur Kaupfélags Skagfirðinga í gegnum árin.
Eg er þakklátur fyrir þann tíma, sem mér gafst tækifæri til að starfa
með Skagfírðingum. Eg minnist hinna fjölmörgu deilda-, stjórna- og
aðalfunda K.S. með ánægju og er reynslunni ríkari. Þó svo að leiðir
hafi skilið að sinni mun ég áfram starfa að samvinnumálum,
kaupfélögunum til framdráttar.
Um leið og ég og fjölskylda mín þökkum skagfirskum
samvinnumönnum fyrir samstarfið óskum við Skagfirðingum allra
heilla á komandi árum.