Glóðafeykir - 01.04.1989, Blaðsíða 24

22
GLÓÐAFEYKIR
Þórður Blöndal á skrifstofu kaupfélagsins árið 1942.
undirbúningsnefndin hafði samið. Fyrstu stjórn félagsins skipuðu þeir
Zóphónías Halldórsson prestur í Viðvík, formaður, og Hermann
Jónasson á Hólum, varaformaður. Fjölmennari var fyrsta stjórnin
ekki. Undirbúningsnefndin hafði gert svolida vörupöntun hjá Zöllner.
Komu vörur í maí um vorið, að andvirði 1180 króna. Önnur pöntun að
andvirði 8000 króna kom um haustið 1889. Á móti seldu bændur 604
sauði og 27 hross, að andvirði 12000 króna, sem rétt dugði fyrir
pöntuninni og áföllnum kostnaði við að senda búpeninginn utan.
Starfsemin fyrstu ár félagsins var nær eingöngu fólgin í því að safna
saman sauðum og senda utan til L. Zöllners og J. Vídalín og fá í
staðinn lífsnauðsynjar. Menn voru ánægðir með þessi viðskipti og
horfðu nú vonglaðir til framtíðarinnar. En Adam var ekki lengi í
Paradís. Árið 1892 settu Englendingar á innflutningsbann á sauðfé og
báru við fjárkláðanum, sem hingað barst fyrst á 6. áratug aldarinnar.
Þessu banni var raunar aflétt, en það kom aftur til framkvæmda 1896.
Þetta var gífurlegt áfall fyrir kaupfélagið, sem og alla landsmenn, sem
höfðu með sauðasölunni eygt nýja von í verslunarmálum sínum. Reynt
var að finna nýja markaði. en það tókst ekki nema að litlu leyti. Þó
jókst útflutningur hrossa og hjálpaði það nokkuð í þessum mótbvr.