Glóðafeykir - 01.04.1989, Side 68

66
GLÓÐAFEYKIR
kjarkmiklir og æðrulausir, þótt á gæfi. Má það vera til marks, að
móðuramma Isaks, Magnea Guðmundsdóttir, „ brá sér í vor (þ.e.
vorið 1978) til Kanaríeyja í skemmtiferð, verkakona hátt á
áttræðisaldri. Svo tókst til, að þegar hún kom heim, lá dóttursonur
hennar á líkbörum, en tengdasonur,
Þorfinnur, dauða nær á sjúkrahúsi. Sá þó
enginn, að henni væri brugðið, nema hvað
hún talaði fátt að fyrra bragði. Sama mátti
segja urn dóttur hennar, Sigurbjörgu, rnóður
Isaks.”
Isak ólst upp með foreldrum sínum til 18
ára aldurs, hinn fjórði í röðinni af níu
systkinum. Lauk miðskólaprófi 1963.
Stundaði nám vetrarlangt í lýðskóla í
Danntörku, þá tók við Iðnskólinn í
Neskaupstað, 1. og 2. bekkur, síðan nám í
útvarpsvirkjun við Iðnskólann í Reykjavík.
lauk námstíma í þeirri grein, en tók eigi
sveinspróf.” Síðan dvaldist hann á Þórshöfn
og Höfn í Hornafirði við ýmis störf þar til
haustið 1971, er hann flvtur til Sauðárkróks.
Vann frá hausti 1971 til ársloka 1974 hjá Ástvaldi Guðmundssvni við
útvarpsvirkjun. Hefur síðan nám í rafvirkjun við Iðnskóla
Sauðárkróks og lýkur þaðan sveinsprófi vorið 1977. Starfaði hjá
Rafafli sf. á Sauðárkróki.”
Árið 1974 gekk ísak að eiga Heiðbjörtu meinatækni
Kristmundsdóttur rith. og fræðimanns á Sjávarborg, Bjarnasonar
bónda á Grímsstöðum í Svartárdal fram, Kristmundssonar bónda í
Melrakkadal i Víðidal vestur, Guðmundssonar, og konu hans Hlífar
Árnadóttur kaupmanns og bónda á Sjávarborg, Daníelssonar, og
konu hans Heiðbjartar Björnsdóttur frá Veðramóti, alsystur
Guðmundar frá Tungu, sjá Glóðafeyki 9, bls. 51. Kona Bjarna á
Grímsstöðum og móðir Kristmundar á Sjávarborg og þeirra mörgu
systkina var Kristín Sveinsdóttir bónda á Ytri-Kotum í Norðurárdal
og síðar í Þorsteinsstaðakoti í Tungusveit, Friðrikssonar, og fyrri
konu hans, Sólborgar Pétursdóttur. Var Kristmundur frá fyrstu
bernsku alinn upp hjá presthjónunum á Mælifelli, síra Tryggva
Kvaran og frú Önnu Grímsdóttur Thorarensen.
Lífið virtist brosa við þessum ungu og efnilegu hjónum, Isak og
Isak
Þorfumsson