Glóðafeykir - 01.04.1989, Side 34

32
GLOÐAFEYKIR
Byggðin á Sauðárkróki þandist mjög fljótt suður malirnar og austur
á sjávarkambinn. Var því ákveðið 1965 að reisa aðra kjörbúð á þessu
svæði til að ekki þyrfti að gera langa ferð til matarinnkaupa.
Byggingarframkvæmdir hófust um sumarið og árið eftir var byrjað að
versla í Smáragrundar útibúinu.
Verið að losa flutningavél sem kom beint frá Þýskalandi með raftœki til
kaupfélagsins 22. ágúst 1970.
Byggingavörur voru seldar í Gránu og byggð var vörugeymsla
vestan við hana, en aðstöðu fyrir grófu vörurnar vantaði. En eftir að
vörugeymsluhús var byggt á bak við Laufás, skapaðist aðstaða fyrir
byggingavörur á þeirri lóð. Arið 1952 keypti kaupfélagið Laufás og
var því húsi breytt í verslun. Árið 1957 í júnímánuði var þar opnuð
byggingavöruverslun. Þar voru einnig seld raftæki, sem félagsmenn
þörfnuðust nú í auknum mæli vegna rafvæðingar í sveitum. Með
auknum umsvifum þurfti meira landrými og þegar leyfi
bæjaryfirvalda fékkst fyrir landi undir byggingavörusölu úti á Eyri var
grófvöruafgreiðslan flutt þangað.
Umræður um stað fyrir aðalstöðvar kaupfélagsins hófust upp úr
1950. Var einkum rætt um tvær leiðir. Að byggja á sama stað eða flvtja