Glóðafeykir - 01.04.1989, Side 32

30
GLÓÐAFEYKIR
Úr vinnslusal Fiskiðju Sauðárkróks.
Frystihúsið var stækkað og Sauðárkróksbæ lánað fé til kaupa á
skipinu Skagfirðingi. Þá var lánað nokkurt fé til kaupa á skipinu
Pálínu árið 1960. Sama ár var keypt ísvél og reist íshús. En
happadrýgsta ákvörðunin í þessu efni var stofnun Fískiðjunnar. En
hana stofnaði kaupfélagið í samvinnu við Sauðárkróksbæ, um
áramótin 1955-56. Samstarfið við Sauðárkróksbæ stóð í þrjú ár, en þá
keypti kaupfélagið hlut bæjarins í fyrirtækinu.
Hráefnisskortur stóð fiskvinnslunni fljótt fyrir þrifum. Bæði var, að
erfitt var fyrir fiskverkafólkið að missa vinnuna þegar ekkert hráefni
var til staðar og eins hitt, að rekstrarafkoma fiskvinnslunnar hlaut að
batna ef hægt væri að afla hráefnis sem bærist allan ársins hring. Bæði
Skagfirðingur og Pálína, sem miklar vonir höfðu verið bundnar við.
hurfu á braut eftir tiltölulega skamman tíma vegna fjárhagserfiðleika
þeirra aðila, sem áttu skipin.
Það er svo i ársbyrjun 1968, sem Utgerðarfélag Skagfirðinga er stofnað
með þátttöku kaupfélagsins og fyrsti togarinn Drangey kom sama ár.
Hegranesið var keypt 1971. Útgerðarfélagið rekur nú þrjá togara og
Fiskiðjan festi kaup á þeim fjórða nú um síðastliðin áramót. Með
tilkomu togaranna hefur atvinnulífið gjörbreyst og májafnvel tala um
byltinu í því efni.