Glóðafeykir - 01.04.1989, Side 9

GLOÐAFEYKIR
7
Kynning á kaupfélagsstjóra
Þórólfur Gíslason kaupfélagsstjóri.
Þórólfur Gíslason tók við starfi kaupfélagsstjóra hjá Kaupfélagi
Skagfirðinga þann 1. júní, 1988.
Þórólfur er ættaður af Austfjörðum, fæddur á Eskifirði 19. mars,
1952. Foreldrar: Gísli M. Þórólfsson og kona hans Þuríður Briem.
Gísli faðir Þórólfs var Reyðfirðingur, sonur Þórólfs Gíslasonar og
Katrínar Jóhannsdóttur.
Þuríður móðir Þórólfs er fædd að Eyjum í Breiðdal, dóttir Olafs
Briem og Kristínar Hannesdóttur.
Þórólfur hóf nám í Samvinnuskólanum haustið 1972 og lauk þaðan
prófi vorið 1974. Innritaðist síðan í framhaldsdeild skólans sama haust
og lauk þaðan stúdentsprófi vorið 1976.
Þórólfur hóf störf sem kaupfélagsstjóri hjá Kaupfélagi Langnesinga
á Þórshöfn sumarið 1976 og gegndi því starfi þar til hann gerðist
kaupfélagsstjóri Kaupfélags Skagfirðinga.
Kona Þórólfs er Andrea Dögg Björnsdóttir kennari og er hún ættuð
frá Þórshöfn.
Glóðafeykir óskar Þórólfi velgengni í vandasömu starfi og árnar
þeim hjónum allra heilla á nýjum slóðum meðal Skagfirðinga.