Glóðafeykir - 01.04.1989, Side 49

GLÓÐAFEYKIR
47
Marvin ólst upp með foreldrum sínum, lengstum á Hrauni, ásamt
með fjórum bræðrum og einni systur; voru þau öll þrekmikil og þeir
bræður sumir afarmenni að burðum, sem þeir áttu kyn til, en stilltu
alla jafna afli sínu í hóf, enda gæflyndir og eigi uppnæmir.
Arið 1913 setur Marvin saman bú í Enni
og býr þar óslitið til 1949, flytur þá á nýbýlið
Sandfell, er Páll sonur hans reisir um þær
mundir í landi Ennis og dvelst þar til
æviloka, síðustu árin í skjóli sonar síns.
Hugur Marvins var alla stund bundinn búi
hans og heimili, og aldrei mun það hafa
flökrað að honum að hafa afskipti af
opinberum málum, enda óhlutdeilinn um
annarra hagi svo sem mest mátti verða. Oft
fór hann í róður til að afla fanga og lenti þá
stundum í háska, hrökk t.a.m. eitt sinn fyrir
borð, „ en kraflaði sig að bát, þó að ósyndur
væri” og fannst fátt um, enda æðrulaus
maður.
Arið 1914, hinn 10. des., gekk Marvin að
eiga Stefaníu Magnúsdóttur, ættaða af
Héraði austur. Hún lést 1958. Fjögur eru börn hjóna: Margrét,
húsfreyja í Hafnarfirði, Hulda, húsfreyja í Eyjafirði norður, Páll,
bóndi í Sandfelli og Sóley, husfreyja í Hafnarfirði.
„Marvin Þorleifsson var í meðallagi hár, þéttvaxinn og nokkuð
feitlaginn... er á ævina leið; hann var skolhærður, sléttur í andliti til
hins síðasta. Hann var hraustur maður á yngri árum, eins og hann átti
kyn til, en hæggerður og leitaði örugglega aldrei á nokkurn mann,
reglumaður í hvívetna”. (Björn í Bæ).

Marvin
Þorleifsson
Steinþór Stefánsson. bóndi á Þverá í Blönduhlíð, lést 4. nóv 1977.
Hann var fæddur á Þverá 8. apríl 1908, sonur Stefáns bónda þar
Sigurðssonar og konu hans Hjörtínu Hannesdóttur, var því albróðir
Ingibjargar húsfreyju á Vöglum, sjá Glóðaf. 17, bls. 66, og Jóns bónda
í Grænumýri, Glóðaf. 22, bls. 66.
Steinþór óx upp með foreldrum sínum á Þverá og átti þar heima alla
ævi. Systkinin voru mörg, uppeldið gott, mótað af mannúð og hlýju,