Glóðafeykir - 01.04.1989, Side 20
18
GLÓÐAFEYKIR
„Já”. svaraði Björn á Narfastöðum að bragði, ,,hann stóð á
íhaldsfótum”. Stjórnmálin voru miklu persónulegri í þann tíð. menn
voru æstir og höfðu í heitingum hvor við annan. Það hefur breyst og
mér finnst það mikil framför.
Steingrímur Steinþórsson var óvenjulegur maður. Höfðinu hærri en
aðrir menn í öllum skilningi. Eftirmaður hans var Ólafur
Jóhannesson, frábær maður. Þetta voru þeir menn sem ég hafði hvað
best samskipti við og gat unnið vel fyrir. Björn Pálsson á Löngumýri
setti einnig svip á pólitíkina og lífgaði mjög upp á kosningafundi.
Hann hafði þann hátt á að koma ekki í fundarhúsið fyrr en stuttu áður
en hann átti að taka til máls. Hann náði strax athygli fundarmanna
með því að slá fram furðulegum setningum og athugasemdum er urðu
þess valdandi að þingheimur hló allur. Björn hafði mjög sérstakan stíl í
ræðumennsku og taldi það mikilvægt að koma áheyrendum í gott
skap, en mönnum fannst hann ekki ævinlega málefnalegur”.
Það er mesta gæfa hvers manns að eiga góða konu
Nú höfum við talað um pólitíkina, kaupfélagið, félagsmál og fleira
en lítið um þig sjálfan og þína fjölskyldu.
„Eg fór í vegavinnu árið 1941 eins og margir ungir menn gerðu á
þeim tíma. Eg var í vinnuflokki hjá Rögnvaldi Jónssyni og þar
kynntist ég konu minni Ingu Rögnvaldsdóttur. Við giftum okkur
haustið 1944 og bjuggum næstu tvö árin í Reykjavík en fluttum eftir
það hingað á Sauðárkrók. Við eigum tvær dætur og eina fósturdóttur.
Elsa er dóttir Vilhjálms bróður míns og kom til okkar nokkurra
klukkutíma gömul, en móðir hennar lést við fæðinguna. Hún er vngsta
dóttir okkar og býr i Reykjavík, starfar þar sem skrifstofustúlka.
Sigríður er fædd 1947. Hún býr í Laugarási ásamt manni sínum Pétri
Skarphéðinssvni lækni og er kennari við grunnskólann í
Biskupstungum. Ragnheiður Sigríður er fædd 1953. Hún er
matráðskona við sjúkrahúsið á Sauðárkróki og býr hér ásamt manni
sínum. Sigurði Frostasyni.
Eg hef verið svo lánsamur að eignast góða fjölskvldu og góða konu.
Sjálfsagt er það mesta gæfa hvers manns að eiga góða konu”.
Hvað með tómstundir?
„Tómstundir mínar hafa að vísu verið fáar, en þó nokkrar.
Frítíminn hefur mikið farið í félagsstörf. bæði í félögum hér á staðnum