Glóðafeykir - 01.04.1989, Blaðsíða 74

72
GLÓÐAFEYKIR
og utan, svo sem slætti og skepnuhirðingu”. (S.Á.) Jóhannes, er
næstelstur var systkinanna, fékk mænuveiki í æsku og var ósjálfbjarga
til æviloka. Kom til kasta þeirra mæðgna og þó einkum Margrétar,að
annast hann eftir að Benjamíns missti við, en hann andaðistárið 1921;
bjó Elín, ekkja hans, áfram með aðstoð dóttur sinnar meðan ævin
entist, en hún lést snemma árs 1935 eftir nál. 60 ára búskap á
Ingveldarstöðum. Var þá Jóhannes sonur hennar, dáinn fyrir nokkru.
Að móður sinni látinni fluttist Margrét út i Hofsós og átti þar
heimilisfang eftir það. „Var hún þó öll sumur fram um 1950 hjá
Guðmundi bróður sínum í Smiðsgerði, en stundaði prjónaskap á
vetrum. Má segja að prjónaskapurinn hafí verið aðalatvinna hennar
um mörg ár, enda var hún þekkt af þeim verkum sínum”. (S.Á.) Fyrir
fjórum árum fór henni mjög að förlast sýn, fluttist hún þá á ellideild
Héraðssjúkrahúss Skagfirðinga og dvaldist þar til lokadags. hafði
jafnan ferlivist, en varð fyrir því slysi að lærbrotna um það bil mánuði
fyrir andlát sitt og voru þá örlög hennar ráðin.
Margrét Benjamínsdóttir var væn meðalkona á vöxt, ljós yfirlitum,
eigi smáfríð, en gædd gerðarþokka. Hún var greind kona, mikilvirk að
hverju sem hún gekk, rausnarkona, góðviljuð og greiðvikin og að öllu
þeirrar gerðar, að hlaut hvers manns velvild og traust.
Steindór Benediktsson, bóndi í Birkihlíð í Staðarhreppi, lést hinn 17.
júlí 1978.
Hann var fæddur á Kimbastöðum í Borgarsveit 12. júní 1897.
Foreldrar: Benedikt, síðast bóndi í Hólkoti, Þorsteinsson hreppstjóra
í Litlu-Gröf, Bjarnasonar bónda og skyttu á Sjávarborg, Jónssonar
hreppstjóra í Álftagerði, Bjarnasonar, og kona Benedikts Sigurborg
Jóhannesdóttir húsmanns að Herjólfsstöðum á Laxárdal ytra o. v.,
Oddssonar bónda á Borgarlæk á Skaga, Grímssonar. Kona
Jóhannesar á Herjólfsstöðum (hann drukknaði 1897) og móðir
Sigurborgar var Elínborg Jónsdóttir, síðast bónda í Ketu á Skaga,
Gunnlaugssonar. Var föðurætt Steindórs „beinn karlleggur frá
Hrólfi lögréttumanni á Álfgeirsvöllum og er af Hrólfi sterka komið
‘margt atorku- og afreksmanna”. (Sr. G. G.).
Sjö ára gamall missti Steindór móður sína, ólst upp með föður
sínum og hóf búskap með honum á Gili í Borgarsveit 1918. Árið 1920
reisti hann bú í Hólkoti (nú Birkihlíð) og bjó þar alla stund síðan, meir