Glóðafeykir - 01.04.1989, Side 36

34
GLOÐAFEYKIR
Bifreiðaverkstœði K.S. Guðmundur Valdimarsson og Jón Stefánsson.
var önnur slík tillaga samþykkt, og þá lögð meiri áhersla á að hafa
varahluti til sölu.
A aðalfundi 1939 var samþykkt að kaupfélagið ætti og ræki bifreið.
Bílar voru orðnir allmargir í héraðinu um þetta leyti og kallaði það
fljótt á varahluta- og viðgerðaþjónustu. Var því ákveðið að koma upp
verkstæði, sem annaðist viðhald bíla og búvéla. Keypt voru
nauðsynleg áhöld til þeirrar starfsemi og komið upp húsi. Verkstæðið
tók til starfa 1946.
Eftir stríðið fjölgaði mjög bílum og ýmsum vélum, einkum
dráttarvélum. Þetta kallaði á meiri viðgerðarþjónustu. Verkstæðis-
húsið, sem byggt var 1946, var ekki stórt og í raun of lítið strax frá
upphafi. Því var ákveðið 1954 að ráðast í að auka við húsnæðið. Var
byggt hús sem tengdi saman gamla frystihúsið við Freyjugötu og
gæruhúsið sem stóð fram á sjávarkambinum austan við frystihúsið.
Var öll starfsemi verkstæðisins flutt þangað.
Ari seinna var sett upp varahlutaverslun í tengslum við verkstæðið.
Þessi hús eru enn í notkun, en samkvæmt nýlega samþykktu
deiliskipulagi Sauðárkróksbæjar, eiga þau að víkja fyrir íbúðarhúsum
sem þarna eiga að rísa.