Glóðafeykir - 01.04.1989, Síða 61
GLOÐAFEYKIR
59
Narfastaðahjón ábúð á Viðvík, færðu bú sitt þangað og bjuggu þar til
1941, er þau létu af búskap og synir þeirra tóku við, en gömlu hjónin
dvöldust þar áfram í skjóli þeirra.
Árið 1948 kvæntist Garðar Svanhildi Steinsdóttur bónda í Neðra-
Ási, Stefánssonar, og konu hans Soffíu Jónsdóttur, sjá um þau í
Glóðaf. 8, bls. 41 og 16, bls. 56. Var Svanhildur þá skólastjóri
barnaskólans á Hólum og lengi síðan, en
hafði verið búandi í Neðra-Ási frá 1942. Fór
nú Garðar búi sínu að Ási og bjó þar með
konu sinni meðan dagur entist.
Garðar bjó löngum stórbúi og hafði margt
fjár, ef til vill of margt meðan ræktun var
minni; en þar tók hann myndarlega til
höndum og ræktaði mikinn og fagran
töðuvöll á Ástungu, þar sem áður voru melar
og magrir lyngmóar. Hann var fjárglöggur
ágætlega og talinn hafa gott vit á sauðfé.
Hann var einn þeirra fáu bænda, sem áttu
góða fjárhunda og kunni vel með þá að fara”.
Garðar var áhugamaður um íþróttir og
góður knattspyrnumaður framan af árum.
„Hann var afkastamaður til starfa, en gekk
ekki heill til skógar hin síðari árin. Hann
mátti stórhuga kallast, en sást stundum yfir gildi hinna smærri hluta
og mun búhagur hans hafa goldið þess að nokkru. I vélar og tæki hafði
hann góða innsýn. Lagði snemma rafmagn í hús sitt frá dísilvél og
hitaði íbúðina upp með kælivatni vélarinnar. Manna fornbýlastur var
hann á varahluti ýmsa og varð einatt öðrum að liði”.
Garðar sat í hreppsnefnd um skeið og var einnig um árabil
fjallskilastjóri Hóla- og Viðvíkurhrepps.
Sjö voru börn þeirra hjóna, Garðars og Svanhildar, og komust sex
upp: Svanbjörn Jón, bóndi í Neðra-Ási, Sigríður Sigurbjörg, húsfreyja
í Miðhúsum í Blönduhlíð, Soffía Steinunn, húsfreyja á Akureyri,
Sigurbjörn Jóhann, húsasmiður, búsettur á Urriðaá á Mýrum,
Erlingur, bóndi í Neðra-Ási og Ásdís, húsfreyja á Hofsósi. Áður en
Garðar kvæntist var hann heitbundinn Friðriku Guðjónsdóttur frá
Hreiðarsstöðum í Svarfaðardal. Barn þeirra er Anna Jóna Friberg
húsfreyja, búföst í Svíþjóð. Barn Garðars með Anitu Önnu Lange:
Anna Rosmarie, búsett í Þýskalandi.
Garðar
Bjömsson