Glóðafeykir - 01.04.1989, Side 14

12
GLOÐAFEYKIR
Árni Gunnarsson frá Flatatungu:
Samvinnumaður
í hálfa öld
r
Guttormur Oskarsson, lærisveinn Jónasar frá
Hriflu og gjaldkeri Kaupfélags Skagfírðinga
„Ég hef fylgst með sögunni frá því ég var unglingur”
Það var hvöss norðanátt með snjókomu og fáir á ferli á Króknum
þennan morgun. Haustinu var lokið og vetur konungur boðaði komu
sína á kaldranalegan hátt. Ég hringdi bjöllunni á húsi núrner 25 við
Skagfirðingabraut og húsráðandi, Guttormur Oskarsson, kom til
dyra. Við heilsuðumst og mér var boðið inn. fyrst í eldhús og síðan til
stofu. Guttormur vissi erindi mitt og þegar við höfðum komið okkur
fyrir setti ég segulbandið af stað.
Guttormur er fæddur tuttugasta og níunda desember 1916 í
Hamarsgerði í Lýtingsstaðahreppi, en þar bjuggu foreldrar hans í
tuttugu ár. Þaðan fluttu þau í Kjartansstaðakot á Langholti þar sem
Guttormur ólst upp og átti heima fram um tvítugt. Um hans dygga og
óeigingjarna framlag til samvinnuhugsjónarinnargeta þeir best vitnað
sem hafa átt viðskipti við Kaupfélag Skagfirðinga á undanförnum
áratugum. Guttormur er lítillátur. en yfir honum hvílir reisn hins
djúpvitra manns sem gerir hann samtíðarmönnum sínum
minnisstæðan.