Glóðafeykir - 01.04.1989, Side 75

GLÓÐAFEYKIR
73
en hálfa öld, en hafði að vísu síðustu árin fært búið að mestu yfir á
hendur sonar síns.
Steindór í Birkihlíð var einn af vormönnum Islands. i sporum hans
greri grasið. Hann settist á kostarýra jörð, en skilaði einu hinu fegursta
góðbýli. Hann reisti öll hús af grunni, hann
ræktaði víðlend tún. Og allar framkvæmdir
voru markaðar þvílíkri vandvirkni, að fágætt
má telja. Þrifnaður og snyrtimennska blasti
hvarvetna við auga, úti jafnt sem inni, og áttu
þar hjónin óskilinn hlut. „Varð Birkihlið
fyrir valinu, þegar í fyrsta sinni (1968) var
veitt viðurkenning úr Fegrunarsjóði Spari-
sjóðs Sauðárkróks fyrir góðan umgang og
þrifnað”. Steindór fór vel með allar skepnur.
Hann var dugmikill og forsjáll að sama
skapi. í hvívetna sómi sinnar stéttar.
Steindór í Birkihlíð var framgjarn bóndi
en eigi framagjarn maður. Þó fékk hann eigi
undan vikist ýmsum trúnaðarstörfum, enda
naut hann hvers manns trausts fyrir
trúmennsku sakir, árvekni og reglusemi í
hverju starfi, er honum var falið að inna af hendi. Hann sat í
hreppsnefnd Staðarhrepps 1933-1936, í stjórn búnaðarfélags
hreppsins 1935-1972 og formaður félagsins frá 1944, fjallskilastjóri
langa hrið og formaður fjallskilastjórnar Staðarafréttar. Mörg ár var
hann fulltrúi á aðalfundum Kaupfélags Skagfirðinga, Mjólkursamlags
Skagfirðinga og Búnaðarsambands Skagfirðinga. Hann sat í
sóknarnefnd Reynistaðarsóknar 1941-1965, söng í kirkjukór
Reynistaðarkirkju í áratugi og var formaður kórsins um langt skeið.
Arið 1924 kvæntist Steindór Elínóru Jónsdóttur bónda á
Eyvindarstöðum í Blöndudal, Jónssonar og Elínbetar Gísladóttur,
mikilli myndarkonu. Lifir hún mann sinn. Sonur þeirra er Sólberg,
bóndi í Birkihlíð.
Steindór Benediktsson var ríflega meðalmaður á velli, beinvaxinn
og að öllu vel á sig kominn. Hann var dökkur á yfirbragð, grannleitur
og skarpleitur, svipurinn ákveðinn og festulegur og bar þess ljósan
vott, að þar fór enginn veifiskati. Hann var greindur maður, unni
hljómlist og söng, geðríkur að eðlisfari og þó manna ljúfastur í öllu
samstarfi. Hann var gæddur ríkri ábyrgðarkennd og einlægum
Sleinþór
Benediklsson