Glóðafeykir - 01.04.1989, Side 44
42
GLÓÐAFEYKIR
Pálsson söngvari. Þá hafa og margir þeir ættmenn náð háum aldri,
jafnvel aldargamlir orðið sumir og aðrir framt að því.
Aður en Sigríður var ársgömul fluttist hún
með foreldrum sínum að Egg og átti þar
heima síðan mestalla ævi. Móður sína missti
hún haustið 1942. Tók hún þá við búi með
föður sínum og Flalldóru systur sinni og
töldust þau búa á sínum fjórðungi
jarðarinnar hvert en á einum fjórðungnum
bjó Jónína, þriðja systirin, og eiginmaður
hennar, Jóhannes Hannesson. Hélst þessi
skipan óbreytt uns Sigurður og systurnar
tvær, Sigríður og Halldóra, létu af búsýslu og
fluttu til Sauðárkróks árið 1970. Þarstóðsvo
heimili þeirra, hlýlegt og myndarlegt, upp
þaðan.
Ung að árum gekk Sigríður í Kvenna-
skólann á Blönduósi; var hún þeirrar gerðar
að námið kom henm að miklum og
varanlegum notum. Hún giftist ekki né eignaðist börn, en unga mey,
Unni Jóhannesdóttur, húsfreyju í Hrísey (nú á Sauðárkróki.), ól hún
upp og ástfóstraði til fullorðinsára sem eigið barn og arfleiddi hana að
lokum að húseign sinni á Sauðárkróki. Reyndist og Unnur henni sem
umhyggjusöm og ástrík dóttir.
Sigríður á Egg var mikil búkona sem hún og átti kyn til, hyggin,
atorkusöm og dugleg, ágætlega verki farin, hannyrðakona, saumaði
og óf af mikilli smekkvísi. Hún var ræktunarmanneskja, unni öllum
gróðri og græddi trjálund heima þar á Egg. Sigríður var gædd heitri og
einlægri guðstrú, kom það glöggt fram í fari hennar og viðhorfi til
annarra. Hún gekkst fyrir stofnun kristniboðsfélags, var þar lífið og
sálin, lagði fram fé og vinnu og létu þær félagssystur ágóðann af
starfsemi sinni renna til samtaka kristniboðsmanna.
Sigríður Sigurðardóttir var ekki mikil að vallarsýn en fagurlega
vaxin, eigi beinlínis fríð í andliti en svipurinn hlýr og ákaflega
geðfelldur. Hún var greind kona og mikilhæf, skapföst og ákveðin,
gædd hljóðlátri glaðværð. Sjálf var hún sívinnandi vildi líka láta aðra
vinna, krafðist mikils af öðrum, meira af sjálfri sér. Fórnfýsi og elja
voru ríkir þættir í eðli hennar. Síðustu árin annaðist hún fjörgamlan
Sigríður
Sigurðardóttir