Ritröð Guðfræðistofnunar - 01.01.1990, Page 19
Trúarlíf Islendinga
TaflaII,6 Guðshugmyndir eftir menntun:
Skyldu- Milli- Fram-
nám menntun haldsm.
n= 311 136 248
Guð er hugarfóstur 14.1 18.4 21.0
Engin vissa f. tilvist guðs 6.8 5.9 10.9
Aðrar guðshugmyndir 26.0 27.2 19.8
Til er kærleiksríkur guð 38.6 30.1 37.1
Get ekki svarað 14.5 18.4 11.3
100.0 100.0 100.1
x2=15.76, p<0.05
Ekki verður sagt að menntun skipti miklu máli um guðshugmynd fólks. Helst
er merkjanlegt að efahyggja eykst með meiri menntun. Aftur á móti er nánast
enginn munur á þeim sem minnsta menntun hafa og mesta þegar um er að
ræða trú á kærleiksríkan guð.
Þessar niðurstöður kunna að koma sumum á óvart, enda því oft verið haldið
fram að trú á guð og nútímaþekking eigi ekki samleið. Einnig má geta í þessu
sambandi að er spurt var um trú og vísindi kom í ljós að mun fleiri voru sam-
mála en ósammála þeirri staðhæfingu að trú og vísindi séu tvær leibir í leit ab
sannleikanum, sem ekki séu andstœbar. 42% kváðust vera ýmist alveg sammála eða
frekar sammála en 15.6% algerlega ósammála eða frekar ósammála.
Vibhorf tilJesú Krists
Jesús Kristur spurði lærisveina sína þessarar spurningar á örlagastundu: „En
þið, hvern segið þið mig vera?“ Spurningin um Krist, hvern menn segja hann
vera, hlýtur ætíð að vera ofarlega á baugi þegar leitað er upplýsinga um
trúarviðhorf þjóðar sem skv. opinberum tölum um skráningu í trúfélögjátar
kristna trú að heita má öll sem einn maður.
Fram hefur komið að enda þótt Islendingar séu mjög trúhneigðir (68% skv.
könnun Hagvangs, 74% skv. þessari könnun; sjá síðar) þá eru hugmyndir
þeirra um guð talsvert á reiki. Af flokkun svaranna, eins og hún birtist í töflu
II.3, má draga þá ályktun að rúmlega þriðjungur þjóðarinnar, eða 37%,
aðhyllist kristnar guðshugmyndir. Það eru þeir sem merkja við kærleiksríkan
guð er menn geta beðið til, ýmist sem sjálfstætt svar eitt sér eða með öðrum
sem geta samræmst því, svo sem að guð sé skapari og/eða að hann gefi lífinu
tilgang. Þeir sem aðhyllast aðrar guðshugmyndir eru 24%.
I ljósi þessarar niðurstöðu um kristna guðstrú vekur það enn frekari forvitni
að athuga með hvaða hætti svarað er spurningunni um Jesú Krist.
17