Ritröð Guðfræðistofnunar - 01.01.1990, Qupperneq 53

Trúarlíf íslendinga
Tafla III, 1 Þáttagreining breyta um trúarlíf (fylgnistuðlar):
Breytur: Þáttur 1 Þáttur 2 Þáttur 3 Þáttur 4
Kirkjusókn. .57 .19 .06 -.11
Trúarlegur biblíuskilningur .44 .07 -.06 .52
Bænaiðja .67 .27 -.03 -.09
Kristileg guðshugmynd .71 .23 .03 .03
Upprisa til samfélags við guð .42 -.04 .17 .50
Trúin veitir svör við
siðferðil. vandam. .35 .71 .08 -.05
Trúin gefur styrk .56 .62 .03 -.04
Spíritismi og kristin trú
geta farið saman .15 -.05 .11 .78
Trúin leggur erfiðar skyldur
á herðar .14 .67 .01 .22
Trúin eykur lífshamingju .52 .65 .03 -.04
Kirkjan hafi afskipti af
þjóðmálum .16 .05 .80 -.04
Mikilv. altarissakramentisins .66 .16 -.02 .25
Mikilvægi skírnarinnar .69 .15 -.01 .13
Jesús sem íyrirmynd .01 .54 .06 .03
Jesús sonur guðs og frelsari .67 -.06 -.10 .28
Samleið með þjóðkirkjunni .57 .34 .05 -.07
Prestar tali um stjórnmál -.17 .09 .82 -.03
Kristin trúarafstaða .66 .17 .02 .13
Skýring á dreifingu svara 32.3% 8.8% 6.6% 5.9%
I fyrsta þættinum koma saman breytur er varða allar þær þrjár víddir sem
teknar voru með í greininguna. Þær sem vega þyngst í þessum þætti snerta
kristindóminn í hefðbundnum skilningi. Yfirleitt er miðað við að fylgnistuðull
þurfi að vera um eða yfir 0.5 (í töflunni er núllinu sleppt til styttingar) ef mark
á að vera takandi á sambandi milli breytunnar og þáttarins. Viðhorf til Jesú
Krists er það að hann sé sonur guðs og frelsari mannanna. Hugmyndin um guð
er sú sem kalla má kristilega, þ.e.a.s. að hann sé kærleiksríkur og hægt sé að
biðja til hans. Trúarafstaðan er kristin þar sem svarendur segja sig játa kristna
trú. í atferli kemur trúariðkun greinilega fram í bænaiðju en þó ekki síður í
þátttöku í helgiathöfnum kirkjunnar, guðsþjónustu og í viðhorfum til
altarissakramentisins og skírnarinnar. Hin jákvæða afstaða til kirkjunnar
kemur auk þess greinilega fram í því að hér er það sem samleið með kirkjunni
fasr mesta áherslu. Það er því ekki úr vegi að kalla þennan þátt kirkjulega trú.
Annar þáttur, sem skýrir mun minna af heildardreifingu svaranna, fær mest
vægi þegar um er að ræða samband trúar við erfiðleika og álag daglegs lífs á
51