Ritröð Guðfræðistofnunar - 01.01.1990, Page 60

StucLia theologica islandica
Tafla III,5 Trúaráhrif frá móður, föður og presti eftir kyni
og því hvort svarandur játa kristna trú eða ekki:
Karlar Konur
Játa kr. trú Aðrir Játa kr. trú Aðrar
n= 58 86 76 107
Áhrif frá móður 66 62 82 67
Áhrif frá föður 17 12 10 16
Áhrif frá presti 17 27 8 17
100 101 100 100
Samkvæmt þessari töflu virðast trúaráhrif á kynin vera nokkuð flókin. Áhrif frá
foreldrum eru heldur meiri hjá játendum kristinnar trúar. Sterkari áhrif frá
öðrum, t.d. presti, geta verið vísbending um ófarsælt fjölskyldulíf eða að
foreldrar hafi skilið. Móðir hefur mest áhrif og eru þau nokkuð meiri á konur
en karla og fremur til að styrkja kristna trú. Munur er að vísu ekki mikill en
áhrifin hníga að hinu sama í báðum tilvikum og það styrkir þessa niðurstöðu.
Ahrif föður eru ólík á drengi og stúlkur þegar um afstöðu til krisdnnar trúar
er að ræða. Það er líklegra að drengir sem játa kristna trú hafi orðið fyrir
áhrifum frá föður en þeir sem ekki gera það (eða merkja við eitthvað annað).
Þessu er aftur á móti þveröfugt farið um stúlkur. Það er ólíklegra að þær hafi
orðið fyrir áhrifum frá föður ef þærjáta kristna trú en ef þær gera það ekki.
Er því ekki aðeins um að ræða að trúaráhrif mæðra séu meiri en feðra (og
presta), samkvæmt þessum tölum, heldur virðast þau einnig vera meira í þá átt
að auka varanlegajákvæða og eindregna afstöðu til kristinnar trúar. Konur sem
játa kristna trú eru lang líklegastar til að hafa orðið fyrir mestum áhrifum frá
mæðrum sínum.
Það getur verið flókið mál að skýra þessar tölulegu niðurstöður. T.d. má
spytja hvort það sé orsök þeirra sterku áhrifa sem móðirin hefur að mæður séu
meira heima hjá börnum sínum en feður eða að þær séu trúaðri en þeir eða
hvort tveggja. Er hér að finna vísbendingu um kynbundin hlutverk þar sem
móður er falið að annast trúarlegt uppeldi? Hin ólíku áhrif föður á börn sín
eftir kyni benda til þess að kyn foreldra geti haft einhverja þýðingu um trúar-
mótun. Af skiljanlegum ástæðum ráðast trúaráhrif presta af því að kynni þeirra
af börnunum hefjast seinna á ævi þeirra.
í kafla II kom greinilega fram að konur eru á margan hátt trúaðri en karlar.
Félagsfræðingar skýra oftast mismun á trúarlífi og trúarþátttöku karla og
kvenna með tilvísun til stöðu og hlutverks konunnar í þjóðfélaginu. Svið
hennar eru hin nánu, mannlegu tengsl sem einkennast af svokölluðum
mjúkum gildum og byggja á samúð og tilfmningum. Yíirleitt fellur hin daglega
umönnun barnanna í hlut konunnar og oft er ætiast til þess að hún sinni
58
J