Ritröð Guðfræðistofnunar - 01.01.1990, Qupperneq 124

Studia theologica islandica
Þessi tafla gefur upplýsingar um biblíulestur hinna ólíku aldurshópa. Ef fyrst
er litið á þá sem aldrei líta í Biblíuna kemur í ljós að þeir yngstu eru þar tiltölu-
lega margir og munar rúmlega 20 prósentustigum á þeim og elsta hópnum.
Þeim sem lesa stundum, þ.e.a.s. sjaldnar en einu sinni í mánuði, fjölgar með
aldrinum og munar þar einnig rúmlega 20 prósentustigum á hinum elstu og
yngstu. En þegar kemur að þeim litla hópi (samtals 30 einstaklingum) sem lesa
a.m.k. mánaðarlega í Biblíunni kemur í ljós að elsta kynslóðin er þar ekki
fjölmennust. Það er yngsti hópurinn sem les tiltölulega mest, eða 7% hans.
Þetta breytir því þó ekki að tölfræðilega jákvæð fylgni er milli þáttanna
biblíulestur og aldurs, þ.e. því eldri sem menn eru því oftar lesa þeir í
Biblíunni. En þessi óvænti munur á þeim sem lesa hana oft er athyglisverður.
Hér hefur áður verið bent á að eldra fólk er oftast trúaðra og jafnframt senni-
lega í meiri þörf fyrir trú. Trúarþörfin birtist þó ekki í miklum biblíulestri þótt
hann aukist með árunum, heldur í auknu bænalífi eins og áður er um fjallað.
Þá getur meira en verið að hinir yngri lesi Biblíuna síður af trúarlegum ástæð-
um. Að hinu er einnig að hyggja að nýtrúarhreyfingar ná næstum eingöngu
til ungs fólks og í þeirn tilvikum má gera ráð fyrir miklum biblíulestri af
trúarlegum toga.
Nokkur munur er á biblíulestri eftir kynjum (þótt hann sé vart tölfræðilega
marktækur í þessu tilviki) og sýnir enn einu sinni að konur sinna yfirleitt
trúmálum og því sem þau varðar meira en karlar.
Munur á biblíulestri eftir menntun, búsetu og hvar fólk er uppalið er ekki
það mikill að hann sé tölfræðilega áreiðanlegur en gefur fil kynna að þeir sem
hafa stúdentspróf og framhaldsmenntun lesi nokkuð meira í Biblíunni en fólk
með styttri skólagöngu. Sveitafólk les minna en íbúar á Stór-Reykjavíkur-
svæðinu. Meðal þeirra sem alist hafa upp í sveit eru það færri sem aldrei hafa
lesið í Biblíunni en aftur á mód lesa fleiri hana oft sem alist hafa upp „á
mölinni“. Þetta bendir til þess að þegar komið var fram á þessa öld muni
verulega hafa dregið úr biblíulestri í sveitum, hafi hann þá nokkurn tíma verið
almennur. Hér er m.a. án efa um áhrif útvarps að ræða er átti sinn þátt í því
að kvöldvakan ásamt húslestri leið undir lok. Sú skýring að örlitlu fleiri sem
ólust upp í þéttbýli en dreifbýli lesi oft í Biblíunni gæti byggst á því að krisdleg
æskulýðsfélög hafa undantekningarlítið starfað í kaupstöðunum, aðallega í
Reykjavík.
Einnig var hugað að vinsældum sálmabókarinnar. Spurt var: „Hversu oft
flettir þú í sálmabókinni1?
Tafla IV,26 Flett í sálmabókinni:
Oft í hverjum mánuði
Endrum og eins
Mjög sjaldan
Aldrei
Svar vantar
5.6
22.2
44.5
26.8
1.0
100.1
122