Ritröð Guðfræðistofnunar - 01.01.1990, Qupperneq 134

Studia theologica islandica
Tafla IV,39 Ástæður fyrir biblíulcstri eftir aldri, kyni og menntun:
skylda/ stúd./
18-24 25-34 45-4445-49 60-76 kk kvk minna framh.
Hvers vegna: 1) að þekkja vilja guðs 9 9 7 8 10 7 10 10 8
2) að finna nálægð guðs 5 6 5 7 8 4 8 7 6
3) mér til andl. uppbygg. 15 14 18 25 28 16 23 19 24
4) leita svara um lífið 16 23 16 25 22 16 24 19 23
5) mæta dagl. áhyggjum 6 11 9 15 12 7 13 11 10
6) þátttöku í umræðum 1 15 9 12 6 11 10 10 13
7) kynnast sögusviði 14 23 18 17 14 18 16 12 24
8) til fróðleiks og ánægju 18 27 21 26 25 27 21 19 28
Eftir það sem áður er sagt, að trúarlíf aukist með aldrinum, virðist nokkuð
óvænt að sjá hér í töflunni að þeir elstu skera sig lítið eða ekkert úr hvað varðar
hreinræktaðar trúarlegar ástæður fyrir biblíulestri (1 og 2). Þeir leita aðallega
andlegrar styrkingar í Biblíunni, því næst fróðleiks og ánægju og þá að svörum
við spurningum um lífið og tilveruna, en í því atriði skilja þeir sig ekki svo mjög
frá öðrum. Eldra fólk les hins vegar Biblíuna síður en aðrir til að geta tekið þátt
í umræðum um hana. Niðurstöður í öðrum köflum þessarar bókar sýna að
elsta kynslóðin er vissari í sinni sök um tilvist guðs og nærveru hans. Bænalíf
og bernskuminningar eru líklega mikilvægari sem samband eða tengiliður við
hið trúarlega trúnaðartraust en biblíulestur. Þar hefur biblíulestur og ekki
síður sálmalestur fremur því hlutverki að gegna að minna á og viðhalda þessari
vissu en skapa hana.
Konur lesa Biblíuna meira en karlar bæði af trúarlegum og tilvistarlegum
ástæðum en karlar fremur af veraldlegum ástæðum, þ.e.a.s. til að taka þátt í
umræðum, kynna sér sögusviðið og sér til fróðleiks eða ánægju.
Athyglisverður munur kemur hér fram hvað menntun varðar. Þeir sem hafa
skyldunám eða minna að baki lesa Biblíuna oftar en aðrir af trúarlegum
ástæðum (til að þekkja vilja guðs). Munurinn er nokkur þegar um er að ræða
tilvistarlegar ástæður. Fólk með meiri menntun les hana hins vegar fremur en
aðrir til að fá svör við spurningum um lífið og tilveruna og sér til andlegrar
styrkingar. Stúdentar eða menn með framhaldsmenntun kynna sér hana ekki
síst með það fyrir augum að taka þátt í umræðum um það sem í henni stendur
og kynna sér sögusvið hennar - en einnig í jafn miklum mæli til að bregðast
við daglegum áhyggjum.
132
A