Ritröð Guðfræðistofnunar - 01.01.1990, Side 167

Trúarlíf íslendinga
Tafla VI,4 Athugasemdir um starfshætti eftir samkennd
með þjóðkirkjunni:
Mikla Nokkra Litla Enga
n= Vilja endurnýjun 108 363 164 54
guðsþjónustunnar Að kirkjan sinni meir 18 18 22 25ns
uppeldis- og félagsm. 23 16 21 llns
Hér kemur í ljós að nokkru fleiri af þeim sem fara oft í guðsþjónustu gera
athugasemdir um hana en aðrir. Er munur þó ekki mikil miðað við þá sem fara
sjaldan eða aldrei. 18% þeirra sem aldrei fara, eða því sem næst, gera athuga-
semdir við guðsþjónustuna og vilja að hún verði endurnjjuð. Spyija má hvort
þessi hópur sé ekki að tjá sig um hluti sem hann þekki lítið sem ekkert. Verður
þó að hafa í huga að fólk sem ekki fer í kirkju hefur möguleika á því að hlusta
á guðsþjónustur í útvarpi og getur mótað sér skoðun á þeim grundvelli.
Þeir sem eiga samleið með þjóðkirkjunni eru síður á því að endurnýja þurfi
guðsþjónustuna. Athyglisvert er að einn af hverjum fjórum sem enga samleið
segjast eiga með henni gera þessa athugasemd. Hér gæti verið nokkur hópur
manna sem finnast guðsþjónusturnar svo leiðinlegar að þeir geti ekki átt neina
samleið með kirkjunni af þeim ástæðum.
Það kemur í ljós að þeir sem sækja guðsþjónustur eru heldur á því að
kirkjan eigi að sinna meira uppeldis- og félagsmálum. Þeir sem enga samleið
eiga með henni eru því síður fylgjandi (þó eru það 11% sem hafa fyrir því að
skrifa um þetta sérstaklega). Athyglisvert er að þeir sem eiga mesta samleið
með kirkjunni skuli ekki skera sig meira úr að þessu leyti miðað við aðra.
Spurt var um aðild fólks að félögum sem starfa að einhverju leyti að trú-
málum, bæði hvort fólk hefði verið í þessum félögum og hvort það væri
starfandi nú. Kom í ljós að 215 höfðu verið eða voru í KFUM&K. Fæstir voru
þó félagar þegar könnunin var gerð, aðeins 6 manns. Þetta fólk hafði því
aðallega tekið þátt í starfí þessara félaga á einhverju tímabili á barna- og
unglingsárum. Um 160 manns voru í einhverjum félögum sem starfa innan
safnaða í beinum tengslum við sóknarnefndir og presta. I æskulýðsfélögum
voru 53 (eða höfðu verið), kvenfélögum 16 en í kirkjukórum 98 manns. Þessi
félög, önnur en KFUM&K, eru hér einu nafni kölluð kirkjufélög.
165