Múlaþing: byggðasögurit Austurlands - 01.01.1985, Side 160

158
MÚLAÞING
Galíasinn Baltic. Eigandi: Gudmund Halleland frá Haugasundi.
net. Jaktin „Familien" frá Skudeneshavn var um haustið seld til
íslands.1
Skonnortan „Adoram“ hefur legið við Litlaskógssand og tekið síld.
Hinn 2. nóvember vinnur áhöfnin við að gera sjóklárt, þeir festa
bramsegl, fokku, skonnortusegl og fremra stagsegl og taka vatn.
Snemma sunnudagsmorguninn 4. nóvember hvessir af norðri með
snjóbyl og skipið tekur að reka. Þeir höfðu legið fyrir 50 faðma keðju
í bakborðsakkeri og 40 á stjórnborða. Nú renna þeir út 70 föðmum á
bakborða og 60 á stjórnborða. Stormurinn vex og gerir ofsarok með
miklu hafróti. Þeir útbúa varpakkeri með góðu grastói, renna 90 föðm-
um út frá bakborðsbógi, en tóið slitnar og skipið heldur áfram að reka.
Skipstjórinn ráðgast við stýrimanninn, bátsmanninn og alla áhöfnina.
Þeir eru á einu máli um að höggva reiðann. Þeir höggva á öll stög og
um leið og reiðinn fellur, fellur og stórsiglan, allt fer fyrir borð og
rekur brott. Skipið lafir skipslengd frá landi á þriggja faðma dýpi.
Stormurinn geisar allan daginn. Tveir menn eru á verði á þilfarinu um
nóttina. Snemma morguns fer skipstjórinn um borð í „Nordkyn“, gufu-
skip Lehmkuhls, sem er eina gufuskipið á firðinum. „Nordkyn“ dregur
„Adoram“ inn til Akureyrar. Þar tilkynnir skipstjórinn konsúlnum og
1 Tilkynning frá Indredept. 14. sept. 1883.