Múlaþing: byggðasögurit Austurlands - 01.01.1985, Qupperneq 162

160
MÚLAÞING
stöðvar við fjörðinn, og auk þess hafi nokkur gufuskip verið í flutning-
um fram og aftur. Þeir hafa aflað mikið, segir hann, en hversu mikið
veit ég ekki, margir gefa veiði sína víst ekki svo nákvæmlega upp og
hér er ekkert eftirlit. Stöðugt heyrast kvartanir um, að bændur séu
sviknir um landshlut, þar að auki „prútta" veiðimennirnir verðið niður
eins og þeir geta. Þessar útlendu skútur koma inn til Akureyrar á
sumrin. Þar sýnir eða afhendir skipstjórinn sína pappíra. Síðan er
skipinu lagt fyrir akkerum utarlega í firðinum. Þar stunda þeir veiðar
fram á vetur, taka síldina ómælda um borð og salta og ferma stór
flutningaskip með síldartunnum. Áður en þeir halda heim á leið bregð-
ur skipstjórinn sér inn til Akureyrar til að sækja sín skjöl og greina
frá veiðinni.1
Annar Eyfirðingur lætur svo um mælt í blaðinu Fróða, að Norð-
mennirnir skágangi með öllu móti lögin, sem segja að einungis fastbú-
andi borgarar megi fiska við landið. Þeir koma hingað upp á sumrin
og fara aftur heim á haustin. Sjóbúðir þeirra eru auðar allan veturinn.
Nokkrir greiða manni fyrir vetrardvöl, Iáta svo einn eða fleiri Ieiðangra
veiða í hans nafni. Aðrir borga gjarnan íslendingi fyrir leyfi til að nota
nafn hans. - Þessa dagana, þegar svo margir íslendingar hafa flust til
Ameríku og landið hefur orðið fyrir mikilli blóðtöku, tækjum við með
ánægju við Norðmönnum, sem setjast hér að og stunda fiskveiðar og
verða góðir íslenskir borgarar. En horfurnar eru þær, að ísland verði
verstöð, sem aðeins erlendir fiskimenn koma til á síldarvertíðum.2
Þetta haust taka þó margir Norðmenn sér bólfestu á íslandi, fleiri
en nokkru sinni fyrr. Hvert einasta norskt hús á Seyðisfirði er með
„rjúkandi skorstein“ allan veturinn. Nokkrir þeirra, sem þar búa, hafa
áður haft þar vetursetu, en nú hafa flestir konur sínar hjá sér. Alls 8
- 10 norskar fjölskyldur hafa „disk og dúk“ á Seyðisfirði. í húsi Ottos
Wathne býr t. d. bróðir hans Fredrik Wathne með 19 ára konu sinni,
Elisabeth. - Sömu fiskimenn og áður halda til á Mjóafirði, flestir greiða
hærri skatta í ár. Auk þess eru þar nú nokkrir nýir skattgreiðendur:
Aasen frá Sandnes, Smedsvig, Rpnnevig og Askildsen frá Haugasundi.
- Á Eskifirði búa margir norskir fiskimenn þennan vetur, 10 menn hjá
Hodne, 5 hjá Odland, 10 hjá Leth. Við Lehmkuhlshúsið liggur jaktin
„Engeline" fyrir akkerum, og í húsinu býr Fredrik Klausen skipstjóri
1 Arnór Sigurjónsson.
2 Fróði 3. febr. 1884.