Múlaþing: byggðasögurit Austurlands - 01.01.1985, Page 171

MÚLAÞING
169
„Adoram“ lafir eftir fyrir tveimur akkerum, en klukkan fimm tekur
skipið að reka. Áhöfnin gefur út keðju á bakborða og vonar að akkerið
fái hald í malarbakkanum við land. Það er þéttur snjóbylur, ofviðrið
færist alltaf í aukana. Mikið rek er komið á skipið, menn slaka stöðugt
á keðjunni, en rekið er svo mikið að þeir fá ekkert frekar aðhafst, og
skjótt berst skipið upp í malarbakkann. Þá sleppa menn báðum akker-
unum, svo að skipið berst lengra upp í fjöruna, og þeir fá borgið sér.
Klukkan 8-9 um kvöldið kemst áhöfnin greiðlega í land á gaflkæn-
unni.1
Mörg skipsflök liggja brotin á strönd Hríseyjar. Náttmyrkrið er
mikið. Snjóhryðjurnar lemjast innyfir eyna. Ofviðrið geisar látlaust
með dunum og dynkjum. Harðir smellir og öskur kveða við þegar skip
kastast á land. Kaldir, hraktir menn koma skríðandi í land, hjálpa
hverjir öðrum eftir bestu getu. Þeim er komið í hús þar sem þeir geta
vermt sig. En hér er heldur ekki öruggur dvalarstaður. Reiðinn af
briggskipinu „Norden“ fellur á sjóhús og verður dreng að bana. Storm-
hviða flytur söltunarhús Oritzlandsbræðra margar álnir af grunninum.
- Tvö börn fæðast í Hrísey þessa nótt, annað er sonur Hákarla-Jör-
undar. Norski skipslæknirinn gegnir hlutverki fæðingarlæknis.2
Um aftureldingu um morguninn laumast einn maður brott, hleypur
norðuryfir og felur sig í hlöðunum á Hrísey. Það er Galdra-Villi, sem
menn leita nú og vilja hafa hendur í hári hans.2
Þegar dagar verður ljóst hver óhöpp hafa orðið. „Adoram“ liggur í
fjörugrjótinu, stýrið er farið af, kjölurinn brotinn, borð og rengur
sömuleiðis og það flæðir og fjarar í lestinni.3 Með allri strandlengjunni
eru skip á hvolfi, rifin upp og sundur höggvin. Algjörlega ónýt eru 17
þeirra, þar af 12 frá Haugasundi: briggskipið „Norden“, skonnorturnar
„Skjold“ og „Adoram“, galíasarnir „Paust“, „Mars“, „Vega“,
„Venus“, „M0nstre“, „Occident“, jaktirnar „Kaia Sophie“, „Elen“ og
„Svanen“. Önnur skip gjörónýt eru fiskiferjan „Rap“ frá Björgvin,
einn enskur kútter og 3 íslenskir fiskikútterar, sem leigðir höfðu verið
sem söltunarskip. Þrír menn fórust. Einn þeirra, Lars Skimmeland frá
Moster var með Storðar-leiðangrinum. Hann reri út á færeyingi til að
bjarga nótabátnum. Annar (frá Norður-Hörðalandi) drukknaði þegar
„Rap“ fórs. Hinn þriðji (frá Glesvær) fraus í hel á skonnortunni „Rector
Steen“. Áhöfn hans varð að vera um borð alla nóttina og allir voru
1 Pk. 5670. Hgsd. M.
2 Björn Ólason.
3 Pk. 5670. Hgsd. M.