Múlaþing: byggðasögurit Austurlands - 01.01.1985, Síða 190

188
MÚLAÞING
aftur til Eskifjarðar með salt og tunnur og kemur heim 14 dögum síðar
með 1.800 tunnur síldar.1
Um miðjan nóvember er mokveiði í Reyðarfirði. Göngurnar koma
alveg að landi, svo að fiskimennirnir kasta við bryggjurnar. Sex nótalög
eru að veiðum á firðinum. Klausen og Randulff eru saman um eitt,
kaupmennirnir Tulinius í Útkaupstað og Jón Magnússon í Framkaup-
stað eru með sitt hvort, tveir bændur við fjörðinn eru með eitt í félagi,
og Otto Wathne er með tvö.2 „Axel“ sækir enn síldarfarm í nóvember,
og í desember halda bæði „Axel“ og „Nordkyn“ til íslands, 4 gufuskip
liggja þá á Eskifirði og Reyðarfirði alveg fram á aðfangadag.3
Næstu þrjú árin er enginn landnótaleiðangur sendur frá Noregi til
íslands. Allir, sem stunda þar síldveiðar þessi ár, eru búandi á íslandi.
En þeir hafa samstarf við norska síldarkaupmenn. Þegar náðst hefur
í lás síld, svo um munar, koma gufuskip frá Noregi og sækja síldina.
Annars standa minni síldarlásar stundum lengi, svo að þeir, sem stunda
þorskveiðar, hafi lifandi síld í beitu. Netasíld er einnig notuð í beitu.
Þorskveiði við Austurland verður í ríkari mæli en nokkru sinni fyrr.
SÍLDVEIÐAR NORÐMANNA VIÐ ÍSLAND 1879 - 1886
Pátttaka og afli
Ár Fjöldi nótabrúka Fjöldi skipa Fjöldi manna Afli (þús. tunna) Afli á mann (tunnur)
1879 4 9 72 3.0 42
1880 28 75 578 115.0 192
1881 90 187 1799 167.6 93
1882 79 155 1590 65.0 41
1883 92 157 1807 103.9 58
1884 83 143 1625 20.1 12
1885 56 83 776 24.7 32
1886 13 30 237 2.9 12
í töfluna vantar afla síldveiðimanna frá Stafangri árið 1885. Þaðan héldu 4 skip með 120
manns til síldveiða við ísland það ár.
HEIMILD: Noregs officielle Statistik, Norges Fiskerier.
1 B. T. júlí - nóv. 1891. 0stensj0.
2 Síldarsaga íslands bls. 114.
3 B. T. nóv. - des. 1891.