Múlaþing: byggðasögurit Austurlands - 01.01.1993, Page 45
SIGURÐUR MAGNÚSSON FRÁ ÞÓRARINSSTÖÐUM
Tveir þættir
Sagt frá Magnúsi Hafliða Guðmundssyni
“Óhægt mun forlögin að flýja.”
Vatnsdæla saga 10. kap.
Þáttur þessi, sem hér birtist: “Sagt frá Magnúsi Guðmundssyni,” birtist nokkuð styttur í
tímariti Sálarrannsóknarfélags íslands, Morgni, 45. árg. 1. hefti 1964, bls. 58-62.
Hér birtist hann óstyttur, með nokkrum viðaukum og einu atriði, sem fært er í síðari
þáttinn, „Sjóslysið mikla 1924“, þar sem það á heima.
Því miður slæddust nokkrar villur í þessa frásögn í Morgni. Sú versta þeirra var (sjá sfð-
ari þáttinn) að þar voru þeir, sem fórust með v.b. “Seyðfirðingi” sagðir níu, en þeir voru
átta og selirnir sagðir sjö, en voru sex. Er það leiðrétt hér í frásögninni.
Það vil eg taka fram, að villur þessar eru ekki sök ritstjóra Morguns, séra Sveins Vík-
ings, sem gerði útdráttinn. Hann þekkti Magnús heitinn og jarðsöng hann.
Magnús Hafliði Guðmundsson, fœdd-ur 12.
júlí 1899, dáinn 7. nóv. 1927. Myndin var
tekin 1922 þegar Magnús var 23 ára. - Sœm.
Guðmundsson Ijósmyndari.
Þegar ég var lítill drengur á Þórarinsstöðum við Seyðisfjörð, kom
þangað vinnumaður, nýlega fermdur, Magnús Hafliði Guðmundsson að