Múlaþing: byggðasögurit Austurlands - 01.01.1993, Side 125

MÚLAÞING
123
Þetta var sannkallaður Páskabylur. Einnig var geysilega kalt og sátum
við uppdúðaðar við eldavélina sem var eina upphitunin og var hún kynnt
upp með mó.
A Þverhamri
Um vorið var ég beðin um að vera kaupakona á Þverhamri í Breiðdal
hjá Þorsteini Stefánssyni. Leist mér ekkert illa á það og hafði aldrei
heyrt neitt nema gott um það heimili, og tók ég því og var ég þar um
sumarið. Gekk ég á engjar og starfaði við það sem tilheyrir heyskap að
öðru leyti en því að ég hef aldrei farið með orf. Um vorið hafði ég 4 kr.
á viku, en yfir sumarið 8 kr. Ég setti það sama upp og ég hafði haft þeg-
ar ég var í kaupavinnu á Reykjum í Mosfellssveit en þetta þótti mikið
kaup. Anna kona Þorsteins bað mig svo að vera veturinn hjá sér, og setti
ég upp 60 kr. fyrir veturinn í sex mánuði og gengu þau að þessu þótt
þetta væru miklir peningar. Var ég svo þarna um veturinn og þá var ég í
eldhúsinu að hálfu og einnig við þrif o.fl.
Um vorið var ég beðin að vera mánaðartíma á Geithellum að kenna
börnunum. Þá voru mamma og bræður mínir hætt að búa á Karlsstöðum
og hélt hún heimili fyrir þau úti á Djúpavogi en Rósa systir mín átti þá
heima þar.
Þorvaldur mágur minn og Mekkín hálfsystir mín fluttu þá frá Hálsi,
sem var heldur rýr jörð, í Karlsstaði og fór þeim þá að vegna betur.
Gifting
Þegar ég var búin að vera þann tíma sem um var talað á Geithellnum
fór ég aftur í Þverhamar og sótti Brynjólfur, sem þá um haustið varð
maðurinn minn, mig og kom hann með hest og nýjan söðul.
Við fórum að búa á Þverhamri, en Brynjólfur átti hálfa jörðina á móti
Arna bróður sínum og var Sólveig systir mín hjá okkur að hálfu og að
hálfu hjá Arna. Lítið var nú húsplássið, eitt herbergi þar sem við syst-
umar sváfum og svaf Brynjólfur frammi í baðstofu því fólk svaf nú ekki
almennt saman í þá daga fyrr en það var búið að gifta sig. Og svo höfð-
um við eldunaraðstöðu.
Brynjólfur var sonur Guðmundar Péturssonar frá Hofi í Öræfum og
Þórdísar Arnadóttur frá Ósi, en þau bjuggu á Þverhamri frá 1885. Hún
dó 1898 og hann 1911, og skiptist þá jörðin á milli þeirra bræðra.
Um haustið 1918 giftum við okkur inni á Heydölum hjá séra Pétri, og