Múlaþing: byggðasögurit Austurlands - 01.01.1993, Qupperneq 127

MÚLAÞING
125
Fyrsta haustið í Kambseli kom Rósa systir mín og var hjá okkur í
nokkra daga. Þetta var á engjaslætti og einn morgun þegar Brynjólfur
var farinn á engi sjáum við að nautin eru að koma innan úr dalnum, en
þangað voru þau rekin á vorin af bæjunum í sveitinni. Þetta voru stærðar
naut og mannýg og vorum við dauðhræddar. Ég hljóp og náði í barnið
sem var að leika sér úti og lokaði bænum. Þegar þau komu heim á hlaðið
ólmuðust þau og réðust á hvað sem fyrir varð. Brynjólfur hafði séð til
þeirra og varð nú heldur hverft við og kom í hvelli heim. Hann var ríð-
andi og rak hann nautin aftur lengst inn í dal, þannig að þau komu ekki
aftur um sumarið.
A Ormsstöðum
Eftir tveggja ára dvöl í Kambseli buðust Brynjólfi Ormsstaðir í Breið-
dal til kaups. Fluttumst við þangað 1925 og fæddust þær Gyða og Guð-
rún þar og voru nú börnin orðin fimm og nóg að gera.
Mamma dvaldi hjá okkur Brynjólfi f 15 ár og var það alveg ómetanleg
hjálp. Það þurfti mikið að taka til hendinni fyrstu árin á Ormsstöðum
bæði úti og inni, allt var í þýfi, ekki sléttur blettur þegar við komum, en
Brynjólfur byrjaði strax á að slétta það og var það gert með handafli.
Ég málaði húsið innan stuttu eftir að við fluttum og hjálpaði Unnur
mágkona mín mér við það. Brynjólfur átti tvo hesta þegar við fluttum í
Ormsstaði og fyrstu kerruna sem kom í Breiðdal eignaðist hann áður en
við kynntumst.
A kreppuárunum voru skammtaðar vörur og gerði það hreppstjórinn,
en hann fékk sendar vörurnar.
Var erfitt hjá mörgum þá en við fengum alltaf mjöl í slátur og líka í
rúgbrauð sem ég bjó til, en hveiti var mjög takmarkað. Strausykur var
stundum enginn, en þegar hann fékkst bjuggum við okkur stundum til
molasykur með því að bleyta hann í vatni og hita í eldavélinni. Þegar
hann var orðinn sjóðandi heitur var hann tekinn af og látinn kólna í íláti
og brytjaður niður með sykurtöng í hæfilega mola og var þetta ágætt.
Eitt árið fékkst enginn strausykur en rétt fyrir jól kom kandís, en ekki
var hægt að nota hann í brauð.
Jólahald á Ormsstöðwn
Jólaundirbúningi var þannig háttað að það var allt tekið í gegn og
þvegið og pússað, lampar fægðir og svo var saumað á börnin því enginn