Múlaþing: byggðasögurit Austurlands - 01.01.1993, Page 128

126
MÚLAÞING
mátti fara í jólaköttinn. Brynjólfur fór upp í fjall og náði í einilyng sem
við notuðum í jólatré því við vorum alltaf með lifandi tré. Náði hann
alltaf í eininn á sama stað og oftast nær þurfti að moka ofan af honum
snjó. Var þetta allt gert fyrir börnin og til að gera allt sem hátíðlegast.
Á Þorláksmessukvöld bundum við einigreinamar á tréskaft sem stóð á
fæti. Síðan skreyttum við það með jólaskrauti og kertum og einnig sett-
um við jólapoka á það sem ég bjó til og var sett eitthvert góðgæti í. Það
var viss passi að hafa litlar kökur í þeim sem ég bakaði og hétu þær
nuddur.
Það var alltaf mikil tilhlökkun fyrir börnin að sjá jólatréð, en það
fengu þau ekki fyrr en við fórum að borða kl. 6. Þá fengu þau að fara inn
í stofu og var það alltaf mikil gleði að skoða tréð.
Á aðfangadag baðaði ég bömin alltaf kl. 3 í bala niðri í eldhúsi og þá
eins og alltaf eftir böð varð ég að bera þau á bakinu að stiganum og fóm
þau upp á loft í rúmið.
Þá var nú lítið sofnað í rökkrinu fyrir tilhlökkun til jólanna.
Við gengum alltaf í kringum jólatréð og jólasálmarnir voru sungnir og
allir fengu að smakka úr poka sem voru bæði kramarhús og hjartalaga.
Jólatréð stóð alltaf fram á þrettánda, en ég man að í Kaupmannahöfn var
tréð sett fram í forstofu strax eftir að búið var að ganga í kring um það
og syngja. Var mér sagt að við hefðum verið þau einu sem vomm með
jólatré í Breiðdal í þá daga.
Heimili mæðgnanna Guðlaugar og Sigríðar
Guðlaug Eirfksdóttir
Sigríður Bjamadóttir
1894-1897 Hlíð
1897-1900 Papey
1900-1905 Hamarssel
1905- 1906 Háls
1906- 1909 Búlandsnes
1909-1913 Reykjavík
1913-1916 Kaupmannahöfn
1916- 1917 Karlsstaðir (veturinn)
1917- 1918 Þverhamar (kaupakona)
1918- 1923 Þverhamar (húsfreyja)
1923-1925 Kambsel
1925- Ormsstaðir
1861-1879 Viðfirði
1879-1897 Hlíð
1897-1900 Papey
1900- 1901 Reyðará
1901- 1907 Hamarssel
1907- 1908 Stöðvarfjörður
1908- 1909 ísafjörður
1909- 1911 Djúpivogur
1911-1914 Reykjavík
1914-1917 Karlsstaðir
1917-1920 Geithellar og Djúpivogur
1920-1935 Hjá Guðlaugu og Brynjólfi