Múlaþing: byggðasögurit Austurlands - 01.01.1993, Page 133
MÚLAÞING
131
var smiður og mikill efnismaður, missti hann árið 1915. Ég man þó vel
eftir Jóni, glöðum og reifum, léttum á fæti og hvítum fyrir hærum. Hann
var listaskrifari og dagbækur þær er hann hélt í Víðidal og á Bragðavöll-
um eru perlur frá sögulegu sjónarmiði. Þrátt fyrir fötlun var sonum hans,
er lifðu bróðurinn Þorstein, ýmislegt til lista lagt. Fúsi var listaskrifari
eins og faðir hans. Auk þess var hann frábær leikari og hermdi snilldar-
lega eftir hreyfingum manna og dýra. Enn stendur á Bragðavöllum hluti
af miklu umhverfislistaverki sem þeir bræður gerðu, en það er grjótgarð-
ur að mestu hlaðinn úr hnöttóttu, illa löguðu grjóti sem þeir tóku upp úr
farvegi Miðmundagilsins. Þessi garður var hlaðinn til þess að verja
Bragðavallatúnið fyrir ágangi lækjarins. Svo sléttur og felldur var hann
að unun var að skoða. Garðurinn hefur furðu vel staðist tímans tönn. Er
það þó að nokkru leyti að þakka umhyggju seinni ábúenda, þeirra Jóns
Björnssonar og Ragnars Eiðssonar.
Jón Sigfússon á BragðavöIIum, Margrét Arnadóttir bústýra og synir Jóns,
Guðjón og Sigfús.
Víkjum nú aftur að páskabylnum. Verð ég þá að segja fyrst frá vini
mínum, Gísla Sigurðssyni á Strýtu. Gísli fæddist á neðri bænum á Hálsi
29. júlí 1894 og fluttist með foreldrum sínum niður í Stekkjarhjáleigu
árið 1899. Faðir hans, Sigurður Sigurðsson dó árið 1923. Fluttist Gísli
og systkini hans með móður sinni, Vilborgu Gísladóttur, að Strýtu árið
1926 þar sem hann tók fljótlega við bústjórn. Hann er skráður eigandi að
Strýtu og bóndi þar frá 1928 til 1973. Vilborg lést árið 1929. Gísli var