Múlaþing: byggðasögurit Austurlands - 01.01.1993, Side 135

MÚLAÞING
133
sem hafði fylgt henni eftir lá dauð á Selánni. Lítið var hægt að hafast að
annað en koma fé í skjól þar sem nokkurt skjól var að finna. Brutust leit-
armenn síðan heim í Bragðavelli. Á þriðjudag var bjartara, en þó var enn
hvasst og hart frost. Var þá farið að smala fénu heim og koma því í hús.
Alls fórust 10 kindur á Bragðavöllum í þessu áhlaupi. Gemlingarnir í
Sniðafjallinu virtust tiltölulega vel haldnir eftir veðrið.
Þessi veðrahamur síðla vetrar 1917 var aðeins forsmekkur þess sem
síðar kom, því næsta vetur eftir áramót gekk í garð frostaveturinn 1918
sem varð mörgum þungur í skauti. Þá fór frostið niður í 26 stig á Teigar-
homi, firðina lagði og var á þeim hestheldur ís um skeið. Var að því
nokkur samgöngubót á meðan það entist. En viðsjáll er sjávarís sagði
gamla fólkið, og einu sinni lá við stórslysi er Álftfirðingar fóru í kaup-
stað á Djúpavogi. Þeir lögðu á fjörðinn fyrir utan Melrakkanes nokkrir
saman með fáeina hesta og tóku stefnuna á Búlandshöfn. Þórarinn Jóns-
son á Starmýri, gætinn maður og glöggur, fór fyrir og hafði vænan
broddstaf í hendi. Þeir voru komnir nokkuð áleiðis er Þórarinn sá grun-
samlegan grænan blett á ísnum. Hann pjakkaði í blettinn með brodd-
stönginni, en þá hvarf hún í fjörðinn og kom ekki upp aftur. Ferðamenn-
irnir sneru við hið skjótasta, héldu inn með Hamarsfirði og fóru yfir á
öðrum stað öruggari.
Sumarið 1917 varð óþurrkasamt og segir Jón Sigfússon frá því í dag-
bók sinni að 23. september voru aðeins komnir 58 hestburðir af þurru
heyi í hlöðu á Bragðavöllum. Vetur lagði snemma að og 7. október var
jörðin yfirbrædd í svellísingu svo illmögulegt var að komast nokkurs
staðar með flatjárnaða hesta.
Það varð þó til bjargar eftir allar þessar hörmungar að snemma voraði
1918 og skrifar Jón Sigfússon í dagbók sína 26 maí: “Jörð orðin græn og
lauf farin að vaxa á víði og tíðin indælis góð.” Sannaðist nú eins og oft
áður að öll él birtir upp um síðir.
Helstu heimildir:
Múlaþing 13. h. (Sigurður Kristinsson)
Sveitir og jarðir í Múlaþingi, 3. bindi.
Lífsmörk í spori e. Torfa Þorsteinsson í Haga.
Undir Búlandstindi e. Eirík Sigurðsson.
Viðtöl við ýmsa.