Gerðir kirkjuþings - 2008, Síða 28

28
síðastliðnum mánuðum, hefur verið ákveðið að fresta framkvæmdum við viðbygginguna,
svo og frekari undirbúningi að frístundabyggð að svo stöddu.
h) Kirkjuþing ályktar að vegna fyrirhugaðra skipulagsbreytinga á Hólum sé brýnt að
tryggð verði lóðarréttindi fyrir kirkjustarf í framtíðinni á staðnum.
Framkvæmdastjóra í samráði við vígslubiskup var falið að kynna málið þeim yfirvöldum
Hólastaðar sem fara með málefni Hólajarðarinnar. Málið er til vinnslu hjá fasteignasviði
Kirkjuráðs.
i) Kirkjuþing ályktar að skoðað verði með hvaða hætti unnt sé að tryggja betri kynningu
á störfum og undirbúningi kirkjuþingsmála heima í héraði.
Kirkjuráð telur eðlilegast að kynning fari fram á sérstökum aukahéraðsfundum að hausti
ef nauðsyn ber til. Kirkjuráð samþykkti að leggja tillöguna fyrir héraðsfundi að vori
2009.
j) Kirkjuþing ályktar að nefnd um heildarskipan þjónustu kirkjunnar starfi áfram og skili
skýrslu fyrir Kirkjuþing 2008.
Nefndina skipuðu þau sr. Jón Helgi Þórarinsson, kirkjuþingsmaður; Steinunn Arnþrúður
Björnsdóttir, verkefnisstjóri á Biskupsstofu; og Þorvaldur Karl Helgason biskupsritari.
Nefndin hefur lokið störfum og er vísað til umfjöllunar í skýrslu þessari um 5. mál
Kirkjuþings 2008, svo og skýrslu nefndarinnar sem fylgir því máli.
k) Kirkjuþing ályktar að nefnd um árangursmat haldi áfram störfum og ljúki störfum fyrir
Kirkjuþing 2008.
Nefndina skipuðu þau sr. Þorgrímur Daníelsson, formaður; Sigríður Jóhannsdóttir,
kirkjuþingsmaður; og Pétur Björgvin Þorsteinsson, djákni við Glerárkirkju. Nefndin hefur
lokið störfum og er vísað til skýrslu nefndarinnar sem fylgir máli þessu.
l) Kirkjuþing ályktar að brýnt sé að fasteignir kirkjunnar, þar með talin prestssetur, séu
tryggilega varðveitt. Gæta þarf þess að prestssetur séu ávallt laus til fullra afnota fyrir
viðtakandi prest þegar embætti sem prestssetri fylgir er auglýst. Forðast ber
samningagerð um jarðir kirkjunnar sem leitt geta til þess að kaupréttur kunni að stofnast
á grundvelli ábúðarlaga.
Kirkjuráð, fasteignasvið og stjórn prestssetra hafa fylgt þessu eftir. Vísað er í því
sambandi til umfjöllunar um fasteignir kirkjunnar síðar í skýrslu þessari.
m) Kirkjuþing ályktar að hraða þurfi vinnu við forskráðar upplýsingar og rafræn skil á
reikningum sókna.
Vinna að þessu hefur dregist vegna ýmissa tæknilegra örðugleika og anna. Vísað er til
umfjöllunar um upplýsingatæknimál til nánari skýringar.
2. mál Kirkjuþings 2007. Fjármál Þjóðkirkjunnar
Í nefndaráliti fjárhagsnefndar er að finna ábendingar og tilmæli sem Kirkjuráð taldi
sérstaka ástæðu til að fjalla um.
Varðandi fjármál Þjóðkirkjunnar vill fjárhagsnefnd draga fram eftirfarandi atriði:
1. Fjárhagsnefnd telur að stofnun fasteignasviðs stuðli að skilvirkri umsýslu.