Gerðir kirkjuþings - 2008, Qupperneq 42

42
Tónskóli Þjóðkirkjunnar
Tónskóli Þjóðkirkjunnar starfar samkvæmt starfsreglum um kirkjutónlist á vegum
Þjóðkirkjunnar nr. 768/2002. Meginverkefni skólans er að sjá til þess að ávallt sé nægur
fjöldi organista og annarra starfsmanna á sviði kirkjutónlistar er hafi viðhlítandi menntun
og færni. Skólinn starfar eftir námskrá sem Kirkjuráð samþykkir. Stjórn skólans er skipuð
sr. Jóni Helga Þórarinssyni sem er formaður, Guðnýju Einarsdóttur og Ólöfu Kolbrúnu
Harðardóttur.
Vorið 2007 hófst vinna við að skipuleggja „útrás“ Tónskólans, þ.e. að bjóða upp á nám í
kirkjutónlist úti um land. Er markmiðið að bæta menntun tónlistarfólks sem starfar við
kirkjur landsins. Hefur tekist samstarf um námið við Tónlistarskólann á Akureyri og við
Kirkju- og Menningarmiðstöðina á Eskifirði. Hinn 17. mars 2008 var undirritaður
samningur milli Tónskólans og Listaháskóla Íslands um nám í kirkjutónlist til BA-gráðu
við hátíðlega athöfn í Sölvhóli, fyrrum höfuðstöðvum Tónskólans og söngmálastjóra.
Tilkoma nýju námsbrautarinnar og samstarfið við Listaháskólann er stór áfangi í sögu
kirkjutónlistarnáms á Íslandi og mikil viðurkenning á náminu við Tónskólann og mun
efla og styrkja námið í kirkjutónlist til muna.

VIII. Upplýsingatækni
Unnið hefur verið að töluverðum breytingum á sviði upplýsingatækni. Tölvukerfi
Biskupsstofu hefur verið uppfært, en þar er m.a. haldið utan um tölvupóstföng
starfsmanna Biskupsstofu og flestra prestsembætta auk þess sem margir vefir kirkjulegra
stofnana eru hýstir þar. Ný útgáfa af aðalvef kirkjunnar, kirkjan.is, er opnuð á þessu
Kirkjuþingi. Verið er að undirbúa upptöku innri vefs kirkjunnar en um allumfangsmikið
þróunarverkefni er að ræða. Þá hefur aðgangsstýringum verið breytt og öryggi aukið.
Tekið hefur verið upp nýtt símkerfi á Biskupsstofu en það gefur ýmsa möguleika í
framtíðinni fyrir kirkjuna og stofnanir hennar. Upplýsingatæknisvið hefur stækkað og
þýðing þess stöðugt aukist. Er vert að benda á að aðgengi að upplýsingum mun aukast,
hraði upplýsingastreymis sömuleiðis og vonast er til að dragi úr pappírsnotkun. Dregist
hefur að ljúka verkefni sem lýtur að því að gera ársreikninga sókna og kirkjugarða raf-
ræna með forskráðum upplýsingum, svo og umsóknir í sjóði kirkjunnar. Stefnt er að því
að styrkja menntun og færni starfsmanna með skipulagningu námskeiða. Ljóst er að
endurnýja þarf skjalavistunarkerfi Biskupsstofu en núverandi kerfi hefur ekki fyllilega
haldið í við aðra þróun sem nauðsynlegt er, t.d. stýrikerfa. Verið er að undirbúa viðbætur
í Oracle-fjárhagskerfinu sem notað er á Biskupsstofu og m.a. er unnið að nýju eigna-
skráningakerfi.

IX. Stefna og starfsáherslur Þjóðkirkjunnar 2001-2010
Samkvæmt starfsáherslum yfirstandandi árs var “samstarf inná við og útávið” verkefni
starfsársins 2007-2008. Markmiðið er að sóknir og einingar kirkjunnar íhugi hvernig þær
geti eflt samstarf sín í milli og út á við.
Verkefnið hefur verið kynnt á fundum sem haldnir hafa verið með sóknarnefndum og á
mörgum námskeiðum á vegum Biskupsstofu. Á “Innandyra”-námskeiði í Grensáskirkju
var ítarleg umræða um samstarf meðal sóknarnefnda og starfsmanna í barna- og
unglingastarfi sem tóku þátt í námskeiðinu. Á sóknarnefndarnámskeiði á Akureyri,