Gerðir kirkjuþings - 2008, Qupperneq 48

48
Kristnisjóður
Framlag í Kristnisjóð hækkar í samræmi við launahækkanir presta og samsvarar 15
árslaunum presta í fámennustu prestaköllunum. Hækkunin milli áranna 2008 og 2009
nemur um 7,8 m. kr. í fjárlagafrumvarpi 2009. Á árinu 2009 er gert ráð fyrir að tekjur
sjóðsins að fjárhæð 96,7 m. kr. flytjist í Kirkjumálasjóð þar sem veitt verða framlög til
starfsemi kirkjunnar. Þessi tilfærsla var gerð í fyrsta skipti árið 2006 og er mikil
einföldun á umsýslu Kirkjuráðs.

Kirkjuþing 2008 afgreiðir ársreikninga Þjóðkirkjunnar fyrir árið 2007 um einstaka sjóði,
stofnanir og viðfangsefni Þjóðkirkjunnar athugasemdalaust.
Rekstraráætlun fyrir árið 2009 um helstu viðfangsefni Þjóðkirkjunnar, er í samræmi við
megináherslur Kirkjuþings með hliðsjón af þeim fjárhagsramma sem Þjóðkirkjan býr við.

Nefndarálit
Fjárhagsnefnd fór yfir ársreikninga og fjárhagsáætlanir Þjóðkirkjunnar, stofnanir hennar
og sjóði. Fjárhagsnefnd þakkar skýra framsetningu reikninga og áætlana og yfirgripsmikil
yfirlit og skýringar á öllum rekstri sem undir Þjóðkirkjuna heyrir. Sérstaklega er því
fagnað að nú er í fyrsta sinn lagt fram yfirlit um framlög til æskulýðsmála, svo og áætlun
vegna prestsembætta 2009. Nefndin fór einnig yfir endurskoðunarskýrslu Ríkis-
endurskoðunar, en í skýrslunni er fjallað um ársreikninga embætta, sjóða, stofnana og
fyrirtækja Þjóðkirkjunnar. Nefndin hafði einnig til umfjöllunar samantekt ársreikninga
sókna 2007, yfirlit unnið úr ársreikningum héraðssjóða fyrir árið 2007 og skýrslu um
úthlutanir styrkja úr Jöfnunarsjóði sókna á árunum 1991-2008 og tillögur um úthlutun
árið 2009.
Nefndin fékk á sinn fund Gunnar Svavarsson, formann fjárlaganefndar Alþingis; Karl
Sigurbjörnsson, biskup Íslands; Sigríði Dögg Geirsdóttur, fjármálastjóra; og Guðmund
Þór Guðmundsson, framkvæmdastjóra Kirkjuráðs, sem leystu greiðlega úr spurningum
nefndarmanna og veittu nefndinni gagnlegar upplýsingar.
Varðandi fjármál Þjóðkirkjunnar vill fjárhagsnefnd draga fram eftirfarandi atriði:

1. Fyrirsjáanlegt er að meðaltekjuskattsstofn einstaklinga milli áranna 2008 og 2009
lækki að raungildi og það muni hafa áhrif til lækkunar sóknargjalda árið 2010. Af þessum
sökum beinir fjárhagsnefnd því til Kirkjuráðs að brýna fyrir sóknarnefndum að gæta
ýtrasta aðhalds á fjárhagsárinu 2009.

2. Fjárhagsnefnd beinir því til Kirkjuráðs að á fjárhagsáætlun 2009 verði lagðir fram
fjármunir til þess að styrkja söfnuði og prófastsdæmi vegna stuðnings þeirra við
almenning í efnahagsþrengingum.

3. Fjárhagsnefnd beinir því til Kirkjuráðs að leggja fram fjárhagsáætlun til næstu fimm
ára varðandi skipulag þjónustu presta og djákna kirkjunnar, sbr. áætlun um prestsembætti
2009 sem var fylgiskjal með 2. máli Kirkjuþings - fjármálum kirkjunnar. Áætlunin verði
lögð fyrir Kirkjuþing 2009.

4. Fjárhagsnefnd leggur til að á hverju Kirkjuþingi verði eitt viðfangsefni kirkjunnar á