Gerðir kirkjuþings - 2008, Side 52

52
7. gr.
Kirkjuþing hefur á hendi fjárstjórnarvald Þjóðkirkjunnar.
Nánari ákvæði um tilhögun fjárstjórnarvalds Kirkjuþings skal þingið setja í starfsreglur.

8. gr.
Samþykktir um kenningarleg málefni skulu sæta umfjöllun kenningarnefndar og
prestastefnu áður en þær hljóta endanlega afgreiðslu á Kirkjuþingi.
Samþykktir um kenningarleg málefni skulu afgreiddar frá Kirkjuþingi í samráði við
biskup Íslands.

9. gr.
Kirkjuþing ákveður skipan kjördæma Kirkjuþings og fjölda kirkjuþingsmanna.
Á Kirkjuþingi skulu leikmenn vera fleiri en vígðir.
Kirkjuþing kýs þingforseta úr röðum leikmanna.
Kirkjuþing setur nánari ákvæði um kjör til Kirkjuþings, seturétt á þinginu og þingsköp í
starfsreglur.

10. gr.
Kirkjuþing getur haft frumkvæði að frumvörpum til laga um kirkjuleg málefni og beint
þeim tilmælum til ráðherra að þau verði flutt á Alþingi.
Ráðherra leitar umsagnar og tillagna Kirkjuþings um lagafrumvörp um kirkjuleg málefni
er hann hyggst flytja á Alþingi.

11. gr.
Forseti Kirkjuþings. kallar þingið saman, stýrir því og ber ábyrgð á starfsemi þess. Hann
undirbýr þinghaldið í samráði við Kirkjuráð. Með sama hætti fylgir hann eftir
samþykktum Kirkjuþings eftir því sem við getur átt.
Forseti Kirkjuþings skal birta starfsreglur frá Kirkjuþingi og aðrar réttarskapandi
ákvarðanir þess innan fjögurra vikna frá samþykkt þeirra og skal sú birting vera í
samræmi við lög um Stjórnartíðindi og Lögbirtingablað. Hafi ekki verið á annan veg
mælt í starfsreglunum öðlast þær gildi á þrítugasta degi frá birtingu þeirra. Eftir þann
tíma ber öllum starfsmönnum Þjóðkirkjunnar og öðrum sem reglunum er ætlað að binda
að fara eftir þeim.

III. kafli. Kirkjuráð.

12. gr.
Kirkjuráð fer með framkvæmdarvald í þeim málefnum Þjóðkirkjunnar sem til þess eru
lögð í almennum lögum og stjórnvaldsreglum, starfsreglum eða öðrum samþykktum
Kirkjuþings, ákvörðunum annarra kirkjulegra stofnana eða erindum frá Alþingi og
ráðherra.
Ákvörðunum kirkjulegra stjórnvalda má skjóta til Kirkjuráðs til endanlegrar úrlausnar.
Undanskildar eru ákvarðanir og samþykktir Kirkjuþings og ákvarðanir biskups Íslands
um helgisiði og kenningu kirkjunnar skv. 21 gr. og um kirkjuaga innan Þjóðkirkjunnar
skv. 24. gr.