Gerðir kirkjuþings - 2008, Qupperneq 58

58
bragðafræðideild Háskóla Íslands með guðfræðimenntun og guðfræðingar sem gegna
föstum störfum á vegum Þjóðkirkjunnar. Aðrir prestar, guðfræðingar og djáknar eiga rétt
á að sækja Prestastefnu með málfrelsi og tillögurétti enda séu þeir innan safnaða er starfa
á játningargrundvelli evangelísk-lúterskrar kirkju.

42. gr.
Á Prestastefnu skal fjalla um kirkjuleg málefni. Prestastefna hefur tillögu- og um-
sagnarrétt um mál er varða kenningu kirkjunnar og helgisiði og annars heyra undir biskup
Íslands og Kirkjuþing, sbr. 8. gr. og 21. gr.

VIII. kafli. Eignarréttur, fjármál Þjóðkirkjunnar, launagreiðslur og réttarstaða
starfsmanna.

43. gr.
Kirkjujarðir og aðrar kirkjueignir sem þeim fylgja, að frátöldum prestssetrum og því sem
þeim fylgir, eru eign íslenska ríkisins samkvæmt samningum um kirkjueignir milli
íslenska ríkisins og Þjóðkirkjunnar. Andvirði seldra jarða rennur í ríkissjóð.
Prestssetur, þ.e. prestssetursjarðir og prestsbústaðir, sem Prestssetrasjóður tók við
yfirstjórn á frá dóms- og kirkjumálaráðuneytinu 1. janúar 1994 með síðari skjalfestum
afhendingum frá ráðuneytinu, svo og prestsbústaðir, hús og aðrar eignir sem prests-
setrasjóður hefur keypt, eru eign Þjóðkirkjunnar með öllum réttindum, skyldum og
kvöðum samkvæmt samningi um prestssetur milli íslenska ríkisins og Þjóðkirkjunnar.
Kirkjuþing setur nánari ákvæði um prestssetur í starfsreglur.

44. gr.
Þær kirkjur og kirknaeignir í umsjá aðila innan Þjóðkirkjunnar sem þinglýstar eignar-
heimildir ná ekki til eru eign Þjóðkirkjunnar og viðkomandi sóknar. Kirkjur og kirkna-
eignir verða ekki veðsettar eða af hendi látnar nema biskup Íslands, viðkomandi sókn og
Kirkjuþing samþykki.

45. gr.
Íslenska ríkið greiðir Þjóðkirkjunni árlegt framlag á grundvelli samninga um kirkjueignir
og prestssetur milli íslenska ríkisins og Þjóðkirkjunnar til viðbótar öðrum tekjustofnum
hennar, lögbundnum sem ólögbundnum.

46. gr.
Þjóðkirkjan fer með málefni Kristnisjóðs samkvæmt lögum nr. 35/1970, Kirkjumálasjóðs
samkvæmt lögum nr. 138/1993 og Jöfnunarsjóðs sókna samkvæmt II. kafla laga nr.
91/1987 um sóknargjöld o.fl. Kirkjuþing setur nánari ákvæði um framkvæmd þessa í
starfsreglur.

47. gr.
Íslenska ríkið skal standa skil á launum biskups Íslands, biskupanna í Skálholti og á
Hólum, sbr. 1. mgr. 25. gr., 138 starfandi presta og prófasta Þjóðkirkjunnar og 18 starfs-
manna Biskupsstofu.