Gerðir kirkjuþings - 2008, Page 79

79
9. mál - Þingsályktun um fjárfestingarstefnu Þjóðkirkjunnar

Flutt af Kirkjuráði
Frsm. Jóhann E. Björnsson

Kirkjuþing 2008 samþykkir eftirfarandi fjárfestingarstefnu Þjóðkirkjunnar og felur
Kirkjuráði að fylgja eftir framkvæmd hennar.

Fjárfestingarstefna Þjóðkirkjunnar

Markmiðið með fjárfestingum Þjóðkirkjunnar er að styrkja og efla starf kirkjunnar um
land allt.

Þjóðkirkjan leggur áherslu á að tryggja bestu ávöxtun fjármuna sinna, með eins lítilli
áhættu og kostur er á hverjum tíma og meti fjárfestingarkosti í ljósi samfélagslegrar
ábyrgðar og kristinna siðgilda. Fjármunir skulu einkum ávaxtaðir hjá traustum innláns-
stofnunum. Kirkjuráð leggur árlega fyrir Kirkjuþing fjárfestingastefnu á þessum grund-
velli.

Þjóðkirkjan á varasjóð ábyrgðardeildar Jöfnunarsjóðs sókna, sbr. reglugerð um ábyrgðir
nr. 865/2001.

Þjóðkirkjan byggir upp varasjóð í Kirkjumálasjóði til að mæta áföllum og skal höfuðstóll
sjóðsins nema allt að árlegum tekjum hans samkvæmt lögum um Kirkjumálasjóð og
Kristnisjóð. Til varasjóðsins skal renna hluti sölutekna af fasteignum og fjármagnstekna
sjóða kirkjunnar samkvæmt áætlun sem Kirkjuráð leggur árlega fyrir Kirkjuþing.

Þá skal og mynda í Kirkjumálasjóði sérstakt viðfangsefni til þess að stuðla að aukinni
prests- og djáknaþjónustu. Kirkjuráð leggur árlega fram áætlun á Kirkjuþingi um hve
stórum hluta sölutekna af fasteignum og fjármunatekjum Jöfnunarsjóðs og Kirkjumála-
sjóðs skal varið til þjónustunnar.

Þjóðkirkjan varðveitir kirkjur, prestssetur og aðrar eignir, sem styðja þjónustu hennar og
markmið. Áhersla er lögð á að samræmis sé gætt innan landssvæða um hvar prestssetur
eru lögð til embætta presta. Ávallt skal meta aðstæður og virða sérstök söguleg eða
menningarleg rök.