Gerðir kirkjuþings - 2008, Page 83

83
13. mál - Starfsreglur um breyting á starfsreglum um presta nr. 735/1998

Flutt af Kirkjuráði
Frsm. Jóhann. E. Björnsson

1. gr.
Við 5. ml. 15. gr. bætist: þegar fleiri en ein sóknarnefnd á í hlut

Við 15. gr. bætist ný mgr. svohljóðandi: Sé ákveðið að auglýsa embætti prests er þjóni í
fleiri en einu prestakalli skulu sóknarnefndir í þeim prestaköllum velja sameiginlega níu
manna valnefnd við val á presti til starfa í þeim prestaköllum. Við val á fulltrúum í þá
valnefnd skal taka tillit til skiptingar á starfi prestsins og fjölda sóknarbarna í viðkomandi
prestaköllum. Prófastur er formaður hinnar sameiginlegu valnefndar og gilda um störf
hennar sömu reglur og um valnefndir prestakalla eins og við getur átt. Umboð
sameiginlegrar valnefndar fellur niður þegar nefndin hefur lokið störfum.

2. gr.
Við 17. gr. bætist nýr 3. málsliður svohljóðandi: Við val á sóknarpresti skal auk þess líta
til reynslu og hæfni í stjórnunarstörfum.

3. gr.
42. gr. orðist svo: Þar sem prestar eru fleiri en einn í prestakalli skulu þeir, undir forustu
sóknarprests, skipta formlega með sér verkum samkvæmt því sem nánar er getið í
starfsreglum þessum. Skulu þeir gera prófasti og sóknarnefnd grein fyrir því skriflega.
Prófastur hlutast til um ef þetta er ekki gert.

4. gr.
45. gr. orðist svo:
Nú koma fram ásakanir á hendur presti um refsiverða háttsemi og samkomulag tekst um
að hann sé í leyfi meðan á rannsókn stendur og er þá biskupi heimilt að áskilja í því
samkomulagi að presturinn veiti ekki tiltekna prestsþjónustu á meðan á leyfi stendur.

5. gr.
Núverandi 45. gr. verður 46. gr.

Starfsreglur þessar sem settar eru með stoð í lögum um stöðu, stjórn og starfshætti
Þjóðkirkjunnar nr. 78/1997 öðlast gildi þegar í stað.