Tímarit um menntarannsóknir - 01.01.2013, Side 15

Könnunarpróf nýnema í stæröfræði viö Háskóla íslands
þarf að vera (bls. 725). Með félagsmenn-
ingarlegum þáttum er átt við það náms-
umhverfi sem nýir nemendur í háskólum
mæta, þ.e. afar stórir og oft ópersónulegir
nemendahópar. Kennslufræðilegu við-
brigðin eru að nemendum mæta kenn-
arar sem eru sérfræðingar í stærðfræði en
þekkja lítið til kennslufræða. Þó að nem-
endur séu margir hverjir sáttir við þessi
umskipti (Hernandez-Martinez, Williams,
Black, Pampaka og Wake, 2011) er ljóst að
áskoranirnar við að hefja háskólanám eru
margar og gera kröfur um sérstakar náms-
venjur og hugsun sem nemendur hafa ef
til vill ekki þroskað með sér á fyrri náms-
stigum (Rach og Heinze, 2011). Hérlendis
er lítið vitað um kennsluhætti í stærðfræði
og hafa rannsóknir fræðimanna fyrst og
fremst beinst að grunnskólum. Þar virð-
ist megináhersla í stærðfræðikennslu á
unglingastigi lögð á námsbókarkennslu
og einstaklingsvinnu nemenda (Guðbjörg
Pálsdóttir og Ólöf Björg Steinþórsdóttir,
2011; Savola, 2008). Lítið sem ekkert er
til af rannsóknum á stærðfræðikennslu
í framhaldsskólum en nýleg rannsókn
Gerðar G. Óskarsdóttur (2012) á skilum
milli skólastiga sýndi að á fyrsta ári fram-
haldsskóla einkennast kennsluhættir mjög
af einstefnumiðlun og lítilli áherslu á sam-
vinnu og frumkvæði nemenda. Niðurstöð-
ur Gerðar ná til kennslustarfs almennt en
ekki sérstaklega til stærðfræðikennslu og
taka aðeins til fyrsta námsárs í framhalds-
skóla.
Fræðimenn svo og stjórnendur háskóla
hafa velt fyrir sér ýmsum leiðum til að
takast á við ofangreindan vanda (Haw-
kes og Savage, 2000; Howson o.fl., 1995;
Mustoe og Lawson, 2002; Thomas o.fl.,
2012). í Hawkes og Savage (2000) er mælt
með því að leggja könnunarpróf í stærð-
fræði fyrir nýnema í upphafi misseris.
Þetta hefur verið gert víða um heim, t.d í
Kanada (Kajander og Lovric, 2005), Hol-
landi (Heck og van Gastel, 2006) og írlandi
(Gill, O'Donoghue, Faulkner og Hannig-
an, 2010). Könnunarpróf geta gegnt mikil-
vægu hlutverki við að finna nemendur
sem ekki standa vel að vígi ásamt því að
gefa nemendum og kennurum vísbend-
ingu um hver staðan er áður en frekara
nám hefst. Slíkar niðurstöður má nýta til
að leita fjölbreyttra leiða til að styðja við
nám nemenda sem standa höllum fæti, til
að efla skilning háskólakennara á vanda
nemenda og til að endurskoða kennslu-
hætti í háskólum þannig að þeir taki mið
af þeirri námsreynslu og námshefðum
sem nemendur bera með sér úr fyrra námi.
Aðferðir
Könnunnrprófið
Könnunarprófið var lagt fyrir nemendur í
inngangsnámskeiðum í stærðfræðigrein-
ingu í fyrirlestratímum í annarri kennslu-
viku. Nemendur vissu ekki af prófinu
fyrirfram. Alls tóku 427 nemendur prófið.
Inngangsnámskeiðin í stærðfræðigrein-
ingu á VoN eru fjögur: Stærðfræðigreining
IA, IB, og IC ásamt Stærðfræði N. í töflu 1
má sjá á hvaða námsbrautum þessi nám-
skeið eru í kjarna. Stærðfræðigreining IA
er fræðilegt námskeið, IB er hugsað fyrir
verkfræðinema og er í bland fræðilegt og
hagnýtt. Stærðfræðigreining IC og Stærð-
fræði N eru kennd saman, í þeim er aðal-
áhersla á hagnýtta stærðfræðigreiningu.