Orð og tunga - 01.06.1997, Side 73

Kristín Bjamadóttir:
Allravagn og aðgöngumiðaokrari:
Um samsett orð í orðabók Blöndals
1 Inngangur
Orðin tvö sem hér eru höfð að yfirskrift eru annars vegar dæmi um nýyrði úr Blön-
dalsorðabók sem ekki hefur náð fótfestu í málinu, þ.e. allravagn og hins vegar dæmi
um virka samsetningu, þ.e. aðgöngumiðaokrari. Þessi tvö orð eru dæmi um vandamál
sem Sigfús Blöndal og samstarfsmenn hans þurftu að glíma við þegar samsettu orðin í
Blöndalsorðabók voru valin ög enn er verið að glíma við sömu vandamálin á Orðabók
Háskólans við valið á orðum í íslensk-skandinavískan orðabókarstofn sem þar er unnið
að nú. Vinnuheiti á því verki er „norræna verkefnið" og þannig verður vísað til þess
hér á eftir.
Þeir sem vinna að norræna verkefninu nú verða að teljast sporgöngumenn Sigfúsar
Blöndals og samverkamanna hans og þess vegnaer sérstaklega áhugavert að bera saman
orðaforðann í þessum tveimur verkum. Hér verður sagt frá athugun á stafkaflanum a í
Blöndalsbók með samanburði við efniviðinn í norræna verkefninu og viðfangsefnið er
valið á samsettum orðum í verkunum tveimur.1
2 Norræna verkefnið og Blöndal
Af samanburði á orðalistum úr Blöndalsbók og norræna verkefninu má draga ýmsar
ályktanir um samsettu orðin þar sem fjöldi þeirra er slíkur að munurinn á uppflettiorð-
unum eða flettunum er að verulegu leyti fólginn í þeim.
Samanburðartölurnar úr orðalistum í verkunum tveimur eru í töflu 1. Þar sést að
munurinn á uppflettimyndum í stafköflunum a í báðum verkum er talsverður. Af yfir
1 Ég vil þakka Baldri Jónssyni prófessor aðgang að tölvutækum orðalista úr Blöndalsbók sem notaður var
í samanburðinum sem hér er lýst.
61