Tímarit hjúkrunarfræðinga - 01.02.1998, Page 7

Frá ritstjóra ————
Eins og greint var frá í síðasta rit-
stjórnarpistli er stefnt að því að
efla fræðilegan hluta Tímarits hjúkr-
unarfræðinga nú í ár. Þetta fyrsta
tölublað tímaritsins 1998 lofar góðu
um framhaldið. Hjúkrunarfræðingar
hafa brugðist vel við tilmælum um
greinaskrif. Fleiri greinar eru í smíð-
um eða bíða birtingar.
Blaðið er að þessu sinni tileinkað
hjúkrunarstarfinu. Siðareglur félags-
ins sem voru samþykktar á fulltrúa-
þingi í maí sl. fylgja og töluvert er
fjallað um þær, réttindi sjúklinga og
kjarna hjúkrunarstarfsins. Meðal efnis
er einnig að finna nokkrar styttri
athyglisverðar faglegar greinar.
Vonandi verður meira um slíkar
greinar í blaðinu í framtíðinni
Þá er bryddað upp á nýjung und-
ir yfirskriftinni Fjölbreytni í hjúkrun.
Helga Björk Eiríkádóttir, nemandi í
fjölmiðlafræði við HÍ, tók að sér að
taka viðtöl við hjúkrunarfræðinga um
störf þeirra. Að þessu sinni eru
viðtölin við tvo hjúkrunarfræðinga
sem stunda hjúkrun utan hins opin-
bera heilbrigðiskerfis. Önnur starfar
hjá einkafyrirtæki við að efla heil-
brigði fullfrísks og vinnandi fólks en
hin hjá Krabbameinsfélaginu við
hjúkrun dauðvona sjúklinga. Viðtöl
undir yfirskriftinni Hin hliðin, sem hafa
reynst vinsælt lesefni, verða áfram í
næstu blöðum þó að ekki hafi unnist
tími til að taka slíkt viðtal núna.
Ritrýndra greina er enn saknað.
Að undanförnu hef ég átt mjög
gagnlegar umræður við hjúkrunar-
fræðinga um það. Hjá sumum hefur
það viðhorf komið fram að íslenskum
hjúkrunarfræðingum finnist ekki eins
merkilegt að birta greinar í Tímariti
hjúkrunarfræðinga og í erlendum
tímaritum. Sumir tala um að þeir vilji
birta greinar sínar í „virtum erlendum
tímaritum". Gæði Tímarits hjúkrunar-
fræðinga byggjast á því að íslenskir
hjúkrunarfræðingar leggi því til gott
efni. Mikilvægt er að þeir sem
stunda rannsóknir í hjúkrun greini frá
niðurstöðum sínum svo þær megi
nýtast í faginu hér á landi. Vart gefst
betri vettvangur til þess en Tímarit
tímAri't
Þorgerður
Ragnarsdóttir
hjúkrunarfræðinga. Vissulega eru
sumir í námi eða samstarfi erlendis
sem krefst þess að þeir birti greinar í
ákveðnum tímaritum en fyrir þá sem
gera ráð fyrir að starfa á íslandi er
kynning á innlendum vettvangi ekki
síður mikilvæg.
Þess má geta að gengið hefur
verið úr skugga um að fræðigreinar
sem birtast í Tímariti hjúkrunar-
fræðinga eru metnar til eininga
a.m.k. innan íslensku háskólanna
bæði í framgangi og vinnumati. Vonir
standa til að í nýju launakerfi verði
hægt að semja um að greinaskrif
verði metin til launa inni á stofnun-
um. Allir hjúkrunarfræðingar sem
stunda rannsóknir eru því eindregið
hvattir til að munda nú pennann og
skrifa í tímaritið sitt, skjólstæðingum
sínum, sjálfum sér, samstarfsfélögum
og íslenskri hjúkrun til framdráttar.
HÚSNÆÐISSTOFNUN RÍKISINS
-vinnur að velferð íþágu þjóðar
BREIÐHOLTS APÓTEK
Álfabakka 12 Mjódd, 109 Reykjavík
Alm. sími: 557 3733, 557 3390
Læknasími: 557 3450
Fax: 557 3332
Opið: mánud. - föstud. 9-19 Laugard. 10-14
OSSUR
Tímarit Hjúkrunarfræðinga • 1. tbl. 74. árg. 1998
7
Ljósm.: Lára Long