Tímarit hjúkrunarfræðinga - 01.02.1998, Qupperneq 75

Jónína Sigurgeirsdóttir
Frá fagdeildum
Málþína lungnahíúkrunarfræðínqa
Þpnn 27. nóvember 1997 var
haldið málþing á vegum fagdeild-
ar lungnahjúkrunarfræðinga í sal
Félags íslenskra hjúkrunarfræðinga
við Suðurlandsbraut. Málþingið sóttu
tæplega 30 hjúkrunarfræðingar.
Fyrst á dagskrá var frásögn Stellu
Hrafnkelsdóttur af ráðstefnu norr-
ænna lungnahjúkrunarfræðinga, sem
haldin var í Lundi í júní 1997. Þar
komu saman um 90 hjúkrunarfræð-
ingar frá öllum Norðurlöndunum og
voru 5 héðan frá íslandi.
Næst kom kynning Jóhannesar
Guðmundssonar á Samtökum
lungnasjúklinga, sem stofnuð voru á
Reykjalundi 20. maí 1997. Félags-
menn eru nú orðnir hátt á fjórða
hundrað og má þar finna bæði
lungnasjúklinga, aðstandendur þeirra
og heilbrigðisstarfsfólk. Markmið
félagsins eru að vinna að hagsmun-
um lungnasjúklinga, efla samkennd
meðal þeirra, byggja upp forvarnir
og efla rannsóknir á lungnasjúkdóm-
um. Félagið hefur sótt um aðild að
SÍBS og hefur fengið aðstöðu í safn-
aðarheimili Hallgrimskirkju.
Þá kynntu Guðrún Jónsdóttir og
Edda Steingrímsdóttir hjúkrunar-
fræðingar á Vífilsstaðaspítala rann-
sókn þeirra, Helgu Jónsdóttur og
Bjarneyjar Tryggvadóttur um áhrif
upprifjunar endurminninga á lungna-
sjúklinga. Niðurstöður rannsóknar-
innar verða birtar á næstunni.
Margrét Baldursdóttir og Guð-
björg Rétursdóttir kynntu rannsókn
sína varðandi aðferðir sem beitt er á
Reykjalundi í meðferð sjúklinga sem
þurfa að venja sig af reykingum.
Samanburðarhópur var fenginn á
lungnadeild Vífilsstaðaspítala á sama
tíma. Tilgangur rannsóknarinnar var
að meta þær aðferðir sem notaðar
eru í reykingavörnum á Reykjalundi
og að þróa áframhaldandi meðferð.
Við útskrift af Reykjalundi voru 90%
sjúklinganna reyklausir en 11 % við
útskrift af Vífilsstaðaspítala. Eftir 12
mánuði voru 57% enn reyklausir af
Reykjalundarhópnum en 10% af
Vífilsstaðahópnum. Guðbjörg og
Margrét sögðust vera á þeirri skoðun
að Vífilsstaðahópurinn hefði ekki
síður verið fáanlegur til að hætta að
reykja ef hann hefði fengið fullnægj-
andi stuðning og töldu þær rann-
sóknina styðja það að Reykjalundur
væri á réttri leið í reykingavörnum.
Að lokum sagði Helga Jónsdóttir
frá verkefni og rannsókn sem hún
hefur unnið að frá 1994 á Vífilsstaða-
spítala í samstarfi við hjúkrunar-
fræðinga þar; en rannsóknin var
hugsuð sem stuðningur við hjúkrun-
arfræðinga þar í að innleiða einstakl-
ingshæfða hjúkrun í stað hóphjúkr-
unar. Rannsóknin var unnin jafnhliða
því sem þessi breyting var fram-
kvæmd og tilgangur hennar sá að
meta árangur breytinganna. Hún var
unnin upp úr dagbók með viðtölum
sem Helga hefur átt við flesta hjúkr-
unarfræðingana og sjúkraliðana.
Niðurstöður munu verða birtar á
næstunni.
Nokkrar umræður urðu í lokin og
varð niðurstaðan úr þeim í stuttu
máli sú að þörf væri á að efla enn
getu hjúkrunarfræðinga til að hjálpa
fólki að hætta að reykja. Var settur á
fót vinnuhópur til að vinna að þessu
máli.
Fleira var ekki fyrir tekið á mál-
þingi þessu.
REGISTERED NURSES
(Experienced & Newly Graduated)
COME & WORK IN THE UK
Hammersmith & Charing Cross Hospitals, London
The hospitals are situated in the lively & popular location of West
London, close to the West End, Earls Court & the River Thames.
Vacancies exist in all areas including
General Medicine & Surgery, Medical Elderly, Orthopaedics,
Haematology, Oncology, BMT, NICU, ICU, CCU, Neurosciences,
Haemodialysis/Renal, Liver & OR.
Interviews will be held by Hospital Personnel in Reykjavík
on Friday & Saturday 2 May 1998.
Our Service is Free and Benefits Include:
Full Time Employment
Free flight and "Meet & Greet" at Airport
Orientation Programme
Accommodation Arranged
Full Assistance with UKCC Registration
Excellent ongoing education facilities
Salary Scale that rewards your experience to date
5 Weeks paid annual leave +10 public bolidays
If your wish to attend for interview or require further information
please contact:
Kate Cowhig International Recruitment
41 Dawson Street, Dublin 2, Ireland
Tel: + 353 1 671 5557 Fax: + 353 1 671 5965
e-mail: cowhig@iol.ie website: http://www.ker.ie
Tímarit Hjúkrunarfræðinga • 1. tbl. 74. árg. 1998
75