Ráðunautafundur - 15.02.1991, Side 194

-186-
síðari árum með mismunandi holdanautakyn. Nærtækast er þar að vísa til mjög
mikilla tilrauna í Danmörku á síðasta áratug þar sem borinn var saman tugur kynja
til kjötframleiðslu þar sem prófun gripa fór einnig fram við breytilegar
framleiðsluaðstæður. Ljóst virðist að athyglin gæti beinst að tveim breskum kynjum
(Hereford og Angus) og tveim eða þremur meginlandskynjum (Charolais, Limousine
og hugsanlega Zimmentaler eða Piemontese). Astæða er einnig til að benda á þann
möguleika að hér gæti hentað að nota í einblendingsrækt naut sem sjálf væru
blendingar tveggja kynja. Ávinningur að slíku gæti verið hugsanlegur aukinn
blendingsþróttur en ætla má að einhver annmarki væri meiri breytileiki meðal
afkvæma en hjá nautum af hreinu kyni.
Að lokum virðist einnig ástæða til að hugleiða þann möguleika að flytja inn kyn
til blöndunar við íslenska mjólkurkúakynið. Ljóst er að slíkt hlyti um leið að hafa
veruleg áhrif á áhuga fyrir notkun á holdanautum í nautakjötsframleiðslu vegna þess
að augljóst virðist að athygli á kyni til að velja til slíkrar blöndunar mun beinast að
kynjum sem hafa allt aðra eiginleika til kjötframleiðslu en íslensku kýrnar.
Ástæða er til að vekja athygli á því að nær ómögulegt er að gera sér nokkra
grein fyrir því áður en til blöndunar við annað kyn kæmi hver hugsanlegur ávinningur
þess yrði. Vegna þess hve framleiðsluaðstæður eru breytilegar þá er fráleitt að
ályktanir verði dregnar af framleiðslutölum frá einstökum löndum. í því sambandi er
nærtækast að vitna til mestu tilraunar sem gerð hefur verið á þessu sviði í heiminum
sem var samanburðartilraun FAO á stofnum af Friesian kúm frá tíu þjóðum. Hér var
um að ræða lönd þar sem um helmingsmun var að finna á milli landa í
meðalafurðum gripa. Þessar tilraunir sýndu glöggt að slíkar tölur gáfu litla vitneskju
um gæði hinna mismunandi stofna. Þau réðust mest af því ræktunarstarfi sem unnið
hafði verið á undanförnum áratugum og óneitanlega hefur verið mjög breytilegt frá
landi til lands.
Rétt er að gera sér Ijóst í upphafi að áður en til slíks innflutnings kæmi yrði að
velja það kyn sem til blöndunar yrði reynt af kostgæfni því að borin von virðist að
reyna fleiri en eitt kyn til blöndunar vegna þess kostnaðar sem óneitanlega hlýtur að
verða samfara slíkri tilraun. Þá er einnig full þörf á að gera sér ljóst að við
samanburð í fyrstu kynslóð má ætla að fram geti komið umtalsverður blendingsþróttur.
Ómögulegt er að meta líkur á hve mikill blendingsþróttur komi fram en hann kemur
aftur á móti ekki til með að nýtast í framhaldsræktun. Almennt er nú viðurkennt að
víða hafa slík áhrif verið umtalsverð við blöndun á amerískum Holsteingripum við
evrópsku Friesiankynin. Þessi áhrif hverfa við framhald ræktunar en jafnframt koma